داليا البحيري: غزة هي آخر فرصة تلحق بيها روحك وانسانيتك
حرصت الفنانة داليا البحيري الرد على منتقديها بحديثها عن غزة المتواصل.
وكتبت داليا البحيري عبر حسابها الرسمي بموقع تبادل الصور والفيديوهات انستجرام: بيسألوني مالك ومال غزة اقولك انا بقي مالي ومال غزة …غزة هي آخر فرصة تلحق بيها روحك وانسانيتك.. غزة يعني بتحس بغيرك ومهموم بقضية انسانية قبل قضية سياسية بعيد عن أي صراعات! غزة يعني انه مش عادي تشوف شعب لاحول له ولا قوة اعزل معظمه من النساء والشيوخ والأطفال يباد ويمحي من الوجود أمام مرأي ومسمع من العالم اجمع ولا يتحرك ساكن لأحد.
وأضافت : غزة يعني فيلم رعب علي الهواء مباشرة تختار تشوفه أو تقلب القناة أو تغير المنصة وتشاهد مسلسل كريستال أو الخائن وتقزقز لب وانت تحت الباطنية متدفي !! غزة يعني اعرف أرد علي ربنا سبحانه وتعالي يوم الدين وأقوله إني عملت يا دوب أضعف الإيمان !وكنت بعمل بوست خايب أو بعمل شير أو بقاطع منتجات البعدا لعلها المنجية ! ده ردي علي سؤال مالي ومال غزة!
واختتمت : وربنا هو الرزاق هو الرزاق هو الرزاق، ربنا وحده ولي نعمتي ونعم بالله العلي العظيم ….طظ في كل حاجة قدام لحظة ابص فيها في المرايا واقول الحمد لله علي نعمة الإحساس والكرامة وعزة النفس ! اللهم ديمها نعمة قضيتي قضية إنسانية بحتة! ملهاش علاقة بالسياسة! أنا لا بفهم في السياسة ولا بحبها ! عرفتوا مالي ومال غزة ؟!
