”لو سلمت عليا ههزأك”.. عمرو مصطفى يهاجم رامي جمال بعد تصريحاته الأخيرة
هاجم الملحن عمرو مصطفى المطرب رامي جمال بعد تصريحاته الأخيرة التي وصفه فيها بالنرجسي خلال برنامج حبر سري.
وكتب عمرو مصطفى عبر حسابه الرسمي في موقع التواصل الاجتماعي فيس بوك: هو أنا أترككم تتعدوا بشكل غير قانوني على ألحاني يعني ولحن تم غنائه في برنامج على الهواء خدته وعملت منه أغنية وصورتها وفي الآخر طالع تقول عليا نرجسي نحن في زمن يصدق فيه الكاذب ويكذب فيه الأمين.
وأضاف : أقسم بالله لو شفتك في أي مكان أنت وأشكالك لن تجدوا مني غير نظرة احتقار واوعي تجري تسلم عليا زي ما عملت قبل كده علشان ههزأك واوعي تجيب اسمي تاني في مكان علشان هقاضيك أنت وكل اللي شبهك مطربي الدرجة الخامسة، زمن الرويبضة.
انتقاد رامي جمال لـ عمرو مصطفى
ومؤخرًا، قال رامي جمال، خلال لقائه مع الإعلامية أسما إبراهيم، على تصريح سابق لعمرو مصطفى قال فيه "أنا المبدع": "مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة.. غير كده مكانش هيبقى قاعد يتكلم إنه ملحن شاطر".
وتابع: في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش.
وواصل:"كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن.. أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض".
