بعد اتهامه بشراء أغانيه.. ويجز يرد على عمرو مصطفى بطريقته الخاصة
رد مطرب الراب ويجز بطريقة غير مباشرة، على اتهامات المطرب والملحن عمرو مصطفى له بشراء موسيقى الأغاني من النت بمقابل مادي .
وقال عمرو مصطفى خلال تصريحات له : على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود.
وشارك ويجز جمهوره بصورة له عبر خاصية الأستوري الخاص به بموقع تبادل الصور والفيديوهات الشهير "انستجرام" وعلق كاتبًا: "أحب أشكر كل الرجالة اللي تعاونوا معايا في أغاني الحقبة”، كما أشار إلى جميع الموزعين الذي عمل معهم".
الموزع مولوتوف يرد على اتهامات عمرو مصطفى
وكتب الموزع مولوتوف في ستوري عبر حسابه بموقع تبادل الصور والفيديوهات انستجرام: مبدئيا أنا هتكلم عن الأغاني اللي أنا عملتها لويجز وهي، دورك جي، بالسلامه، أسياد البلد، وبما إن أنا الموزع بتاعها أحب أقول للأستاذ عمرو مصطفى إن الأغاني معمول فيها توزيع وهندسة صوت وتلحین وشغل بالمستوى العالمي، وبتاخد وقت ومجهود وتفکیر کبیر جدًا من كل الأطراف المشتركة فيها.
وأضاف : الموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا فأنا لم أتقاضَ أي أجر على الأعمال دي لإن فيه اتفاقات بصورة تانية.
واختتم : في النهاية إحنا بنشكرك على استماعك بس يا ريت تتحرى الدقة قبل نشر أي معلومات، وشكرًا.
