منة القيعي توجه رسالة للجمهور بعد انتقادات أغنية ”اختياراتي”.. ماذا قالت؟
وجهت المؤلفة منة عدلي القيعي رسالة لجمهورها بعد الإنتقادات التي واجهتها بسبب أغنيتها الأخيرة "إختياراتي".
وقالت منة عدلي القيعي خلال منشور عبر صفحتها الشخصية بـ موقع التواصل الاجتماعي "فيس بوك": "الناس عمالة تبعتلي فيديوهات وبوستات بتحذر من وقع تأثير كلمات أغنية اختياراتي على تدمير حياة المستمعين بجد عشان جلب الطاقة ووقع الكلمة على المخ وكدا".
وتابعت: "يعني هي الناس بقالها 70 سنة بتغني جرح تاني وأنا بتقطع من جوايا ونسيت طعم الفرح ودايما دموع وبموت جوايا وببكي علي حالي وعيد ميلاد جرحي أنا ومصدومة بجد ومش بنطق ولا عارفة أرد وأندال أندال أندال و.. و.. و..".
واختتمت: "وخلاص دمار الدنيا بقى هييجي على الكلمتين بتوع العبدة لله؟.. صلوا على النبي كده وافرحوا وارقصوا وهزروا وبطلوا تقولوا لنفسكم إن حياتكم هتدمر من كلمات أغنية فيلم مستر إكس عشان المخ بيصدق كل اللي بيتقاله".
يذكر أن أغنية اختياراتي هي الأغنية الدعائية لفيلم مستر إكس بطولة الفنان أحمد فهمي، المنافس في موسم عيد الأضحى 2023، وهي من غناء الفنان أحمد سعد، و كلمات منه عدلي القيعي ومن تأليف احمد عبد الوهاب، وإخراج احمد عبد الوهاب.
