ياسمين صبري تعلق على اتهامها بتقليد جورجينا : مش مشكلة.. على الأقل مش حاجة تهني
بطريقة مميّزة وراقية، ردّت الفنانة ياسمين صبري على الإتهامات التي تلاحقها بتقليدها للعارضة الأرجنتينية جورجينا رودريجز صديقة اللاعب البرتغالي كريستيانو رونالدو.
و خلال لقائها في برنامج ET بالعربي، قالت ياسمين صبري: في 2015 كنت ابتديت أتشهر ساعتها شبهوني بـ كيم كارداشيان، لأن كيم كانت هي اللي في الصورة، دلوقتي هما نقلوا لا هي بتقلد چورچينا، أنا نفس الست بس هما غيروا أنا بقلد مين.
وتابعت: مش مشكلة اللي يقول يقول واللي يعمل يعمل المشكلة مش من عندي المشكلة في اللي بيعلق وبينتقد، وعلى الأقل مش بينتقد حاجة تهني، يعني لما مبيكونش فيه حاجة تتقال هو ده اللي بيتقال.
وأضاف: يؤسفني أن إحنا كبلاد عربية أحيانا الشيء الأجنبي قيمته أعلى ومش بنشوف قيمة نفسنا صح ومش بتكلم عن نفسي، أنا مستحيل اعتبر نفسي قدوة ولا أقدر أقر بده كل اللي أقدر أقدمه أني أكون نموذج كويس للبنت المصرية وأمثل بلدي بشكل مشرف في الحاجات العالمية اللي بعملها، وأقدم فن لما أكبر مندمش أني عملته بالعكس أكون مبسوطة بيه لكن أني نموذج لا.
وعلى الجانب الأخر، يعرض لـ ياسمين صبري، فيلم البعبع، في السينمات ويشاركها البطولة أمير كرارة، باسم سمرة، محمد عبد الرحمن ، محمد أنور، محمد عبد العظيم، محمد محمود، هشام الشاذلى، وحل بعض ضيوف الشرف على الفيلم وهم: إنعام سالوسة، رحاب الجمل، ضياء عبد الخالق، وعدد آخر من الفنانين، والفيلم من من تأليف إيهاب بليبل وإخرجه حسين المنباوي، من إنتاج سينرجي فيلمز والطاهر ميديا وفيلم سكوير.
