ميرهان حسين تتراجع عن قرار الاعتزال: بعدت عشان مكنتش في أحسن حلاتي
أعلنت الفنانة ميرهان حسين عن تراجعها عن قرار اعتزالها التمثيل الذي اتّخذته مؤخرا، ، كما قدّمت اعتذاراً للجمهور.
وقالت ميرهان حسين خلال فيديو عبر حسابها الرسمي بموقع تبادل الصور والفيديوهات انستجرام: اختفيت عشان أرجعلكم أحسن من الأول، وكنت محتاجة فترة عشان أقدر أرجع زي الأول تاني، وبعتذرلكم عن الاختفاء ده وحابة أقول شكرا لكل صحابي وأهلي وزميلي والناس اللي بتحبني.
وأضافت: أنا بعدت عشان ممكنتش في أحسن حلاتي وإن شاءالله الأيام الجاية، أما بالنسبة لإعتزالي فمكنتش اقصد إني اعتزل الفن كان قصدي اعتزل السوشيال ميديا والناس لفترة لأني كان عندي فترة احباط لكن بوفقتكم جمبي وحبكم ليا قدرت أعدي الفترة دي.
وعلقت على الفيديو، كاتبه: شكرًا على الحب و الدعم اللي فرح قلبي و عرفني ان حبكم نعمة من ربنا، شكرًا لكل حد منكم بعتلي مسدچ أو حاول يوصلي و يعبرلي عن حب جميل و يحسسني اني ماتعبتش عالفاضي شكرًا لكل اللي قالوا في حقي كلمة حلوة .. إن شاء الله هارجع أكون معاكم و ربنا يكتب الخير ليا و لكل الناس ،، شكرًا مرة تانية من قلبي.
آخر أعمال ميرهان حسين
يذكر أن آخر أعمال ميرهان حسين مسلسل "مشوار الونش"، وهو من بطولة محمد رجب، محمود عبد المغني، ميمي جمال، منة فضالى، ميرهان حسين، إيهاب فهمي، وغيرهم العديد من النجوم، و من إخراج إسماعيل فاروق وتأليف أحمد عبد الفتاح.
