غضب واسع بين جمهور ”ويجز” بسبب حفل المنارة : اتسرقنا ودخلنا زي الحرامية

طال حفل مغني الراب ويجز الذي أقيم أمس الجمعة الموافق 4 من شهر نوفمبر الجاري في مركز المنارة للمؤتمرات الدولية في التجمع الخامس، العديد من الانتقادات اللاذعة .

انتقادات حفل ويجز في التجمع الخامس

وسبب هذه الانتقادات هو سوء التنظيم من قبل الشركة المعنية بذلك، بعدم تنظيم الدخول للحفل، إلى الحفل الذي فاق عدد الحاضرين الطاقة الاستيعابية للمكان وتسبب في حدوث إغماءات عديدة، بالإضافة إلى تعرض البعض للإصابة.

وهو الأمر الذي أدى لإنهاء الحفل مبكرا عن موعده بساعة كاملة، حيث أكد جمهور الحفل أن الشركة المنظمة هي أسوء شركة للتنظيم الحفلات .

وعلقت واحدة من الحضور تدعى سارة على سوء تنظيم الحفل، قائلة: حفلة ويجز اللي مفيش مكان في مصر حاطين له إعلان، الناس بتنط من فوق السور مع أنهم دافعين في التيكت 2400 جنيه، والناس واقفة بره ومش عارفة تدخل، مفيش تنظيم ولا إدارة وفلوسنا اتسرقت، دافعين 2400 جنيه علشان ندخل زي الحرامية بعد ما فتحوا البوابات.

وقالت ياسمين : ممكن احكي حاجه حزينه كنت حاجزه تيكت حفله ويجز بتاعه انهارده في المناره وفضلت واقفه طابور ٣ ساعات لحد ما الحفله بدأت وعدا منها اكتر من نص ساعه وزق وضرب و قله ادب واوحش تنظيم حفله شوفته في حياتي وفي الاخر مشيت.

وأوضح سمير تفاصيل ماحدث بالحفل، كاتبا: ويجز لعب بالظبط ١٧ أغنية و كان فاضل كان نفسي و كدا كدا و بعودة يا بلادي بس، لقيناهم سحبو منه المايك و قالوله حاجة و نادر سلميان لم اللاب و ويجز شاورلنا عشان ناخد صورة و طلع جري … في مشكلة حصلت خلت الحفلة تنتهي كدة بس مش عارف ايه المشكلة يعني.

وكانت الشركة المنظمة طرحت التذاكر بثلاثة فئات، Regular بسعر 350 جنيها، Fan Pit بسعر 550 جنيها، VIP بسعر 1200 جنيه.

أخر أعمال "ويجز"

يذكر أن أخر أعمال "ويجز" هي أغنية "أميرة" التي أصدرها بالتعاون مع الموزع الموسيقي أش، وحققت الأغنية نجاحًا كبيرًا، وتصدّرت تريند مواقع التواصل الاجتماعي.