أحمد فهمي يكشف عن تعرضه لحملات الكترونية لاسقاط أحد أعماله

كشف الفنان أحمد فهمي تعرضه لحملات الكترونية لاسقاط مسلسل رجالة البيت، وذلك خلال لقائه مع الإعلامية إيمان الحصري في برنامج "مساء dmc"

وقال أحمد فهمي: "لما عملت مسلسل رجالة البيت مع أكرم حسني حصل هجوم كبير على المسلسل، ووقتها استغربت لإن الهجوم كان عنيف حتى لو في واحد المسلسل مش عاجبه".

وتابع: وأحنا عارفين اسمين ورا الحملة لكن أكرم عرف اسم ثالث، وكنت مستغرب لإنه صاحب أكرم ومفيش مشاكل بيني وبينه، وهو بيعمل كدة مع ناس كتير مش أنا بس.

أضاف: مش كل الناس عندها ذوق يعني فيه ناس ممكن تتفرج على فيديو ومش عارف يقول حلو ولا لا فبيكون مستني حد يقوله وبيكونوا محتاجين شرارة فبتطلع تريند.

واستكمل: “أنا عندي تيم سوشيال ميديا بس عمري ما هعمل حملة على حد ولا أزايد إني مسلسلي مكسر الدنيا، السوشيال ميديا حولت كل حاجة لحاجة مش ملموسة وفيك جدا وكلها تدليس، ما تقول انك حلو بس مش رقم واحد والحياة مبقاش ليها طعم زي الأول كان كل حاجة ليها قيمة”.

واختتم: بهتم بحكم الجمهور لأنه في الأخر هو اللي بيشتريلك البيت، لازم نفرق بين جمهور السوشيال ميديا والجمهور الحقيقي لازم تعمل حاجة مبتذلة وطالما عامل اللي عليك بتنام مرتاح.

أخر أعمال أحمد فهمي

يذكر أن أخر أعمال أحمد فهمي مسلسل "سره الباتع"، والذي عرض في شهر رمضان الماضي، وشاركه البطولة أحمد السعدني، خالد الصاوي، حسين فهمي، هالة صدقي، أحمد عبد العزيز، أحمد فهمي، ريم مصطفى، هدى المفتي، حنان مطاوع، شريف حافظ، أشرف زكي، شريف الدسوقي، كريم فهمي، بيومي فؤاد، عمرو عبد الجليل، صلاح عبد الله، محمود قابيل، ميدو عادل، خالد أنور، خالد سرحان، منة فضالي، نجلاء بدر، أحمد وفيق، مأخوذ عن قصة قصيرة للأديب الراحل يوسف إدريس، تأليف وإخراج خالد يوسف.