شريف منير لمنتقدي وطنيته: مش عاجبك اتفلق

وجه الفنان شريف منير رسالة شديدة اللهجة لمنتقدي وطنيته، وذلك خلال لقائه في برنامج "أنا والقناع" من تقديم منى عبد الوهاب عبر قناة cbc والحياة.

وقال شريف منير: اللي شايف في وطنيتي مبالغة أو مزايدة هو اللي مش وطني كفاية ووطنيته بها قصور مضيفا وهو اللي يقولك ياعم أنت شايف أنك بتحب البلد لوحدك"مش عاجبك اتفلق".

وعن وضع اسمه على تترات العمل، فقال: “موضوع الأسماء في حتة بتكلم فيها وحاجات مفيهاش كلام أما اشتغل مع كريم عبد العزيز مقدرش أقول حاجة، أحمد عبد العزيز كان بيحاول لسة يثبت وجوده لكن في اسماء معروفة محدش يقدر يتكلم فيها، وكريم عبد العزيز سعى إن اتحط معاه في نفس الكدر”.

شريف منير بواجه الانتقادات بـ البلوك

وتطرق الحديث على الانتقادات التي يتعرض لها من مواقع التواصل الاجتماعي، حيث أوضح : "زمان لما كنت أشوف الهجوم والشتايم كنت أنفعل ودلوقتى لا، وأنا بخش أدور على الحاجات اللى بتضايقنى عشان أستمتع بالبلوك".

وتابع: "سلاحى القفل ولا يخصنى بحاجة اللى بيسخر وفكرين لما حد يشتم أو يقول كلمتين أو يتريق فاكر أنى بضايق ومين فينا مش بيستخدم السوشيال ودخلت على هذا العالم زى كتير دخلوا ولكن لا أتأثر منها" من يرى في وطنيتي مبالغة أو مزايدة هو ليس وطني كفاية ووطنيته بها قصور مضيفا "مش عاجبك اتفلق".

شريف منير عن خلافه مع شيرين عبدالوهاب: بتغاضى بحدود لكن لا أقبل الإهانة أو التنازل

وكشف شريف منير كواليس خلافه مع الفنانة شيرين عبدالوهاب، وتحريره محضر ضدها في قسم الشرطة، حيث قال: الموضوع مكنش مسألة إن التكييف بينقط، كان في رخام وطوب بيقع من فوق، وأولادي بيلعبوا في التراس وممكن حد يتعور، و اعترضت، وزعلت وكان بلوم، كان رد الفعل شوية زيادة، فمقدرتش أستحمله.

وأضاف: بتغاضى في حدود لكن أكتر من كده يبقى اسمه تنازل وإهانة، ممكن أتنازل بمزاجي، لكن لا أقبل الإهانة.

أخر أعمال شريف منير

يذكر أن أخر أعمال شريف منير، مسلسل "إيجار قديم" من تأليف عمرو الدالي، إنتاج المتحدة للخدمات الإعلامية وكي ميديا، إخراج طارق رفعت وبطولة شريف منير، محمد الشرنوبي، فيدرا، هشام إسماعيل، حازم سمير، ميمي جمال، حنان سليمان، رحمة حسن، إلهام وجدي وبسمة داوود مع ظهور خاص للفنان صلاح عبد الله.