شقيق شيرين عبد الوهاب: أختي في مصحة للعلاج من الإدمان
كشف محمد عبد الوهاب، شقيق الفنانة شيرين عبد الوهاب، عن السبب الحقيقي وراء دخول شقيقته المستشفى، وذلك خلال مداخلة هاتفية مع برنامج الحكاية على قناة mbc مصر.
وقال شقيق شيرين عبد الوهاب: "أختي بتتعرض لعصابة حاطين برنامج تجسس على الموبايل، وأنا مش هسيب أختي غير لما أرجعها لجمهورها وأهلها".
وتابع: حسام حبيب من أسبوع اتصالح مع شيرين قضائيا وتنازلت عن القضايا وهو متنازلش عن أى قضية، وضحكوا عليها وبعد كدة رجعوا لبعض وبيتكلموا مع بعض على الواتس اب وشيرين لسة مأجرة شقة في التجمع هى دي الشقة اللي رحت جبتها منها، لأنهم بيتعاطوا مخدرات هي وحسام حبيب".
وأضاف : وأنا مضربتهاش زي مابيقولوا في ناس متخصصة في المستشفى هما اللي خدوها من شقة التجمع أنا كنت موجود بس.
وعن كيفيه معرفته عن تعاطي شيرين عبد الوهاب المخدرات، قال:" الموضوع بقالو كتير وماما هي اللي كانت بتخليني أسكت، وباست على رجلي وقالتلي انقذ أختك من حسام".
واستكمل: "دخلت أختي المستشفى عشان بتشرب مخدرات وأختي بتضيع وواقعة في عصابة زوجها السابق حسام حبيب والمنتجة سارة الطباخ".
