فيديو.. صدمة في السوشيال ميديا بعد اكتشاف سيدة خيانة زوجها عبر البث المباشر
انقلبت مواقع التواصل الاجتماعي في الساعات القليلة الماضية حول فيديو لايف حزين وصادم، نشره البلوجر عمر حسين كشف من خلاله خيانة زوج لـ زوجته.
"اقفش خاين".. تصدر اسم عمر حسين Trind تريند مواقع التواصل
البداية عندما تواصلت معه سيدة في الثلاثين من عمرها تستغيثه بسبب تغير زوجها معها منذ أكثر من عام، بعد زواج دام لما يقرب من 6 سنوات أنجبوا خلالها ابن، مؤكدة انتقاده لها دائمًا، وتأخره عن المنزل بشكل متكرر، واتصال رقم غير مألوف عليه.
وأرسلت السيدة الرقم لـ عمر حسين ، ليكتشفوا جميعهم خلال اللايف أن الرقم هو للزوجة الثانية لنفس الزوج، فضلًا عن حملها منذ أشهر، الأمر الذي سبب صدمة كبيرة لكل المتابعين وأدخل الزوجة الأولى في حالة انهيار شديدة.
رواد مواقع التواصل يعبرون عن حزنهم
صدمة كبيرة أصابت متابعي البلوجر عمر حسين بعد هذا اللايف معربين عن حزنهم وتأثرهم بالفيديو، فكتب أحدهم:" الناس معظمها لما شافت الlive دا بتقول حسبي الله ونعم الوكيل في الست اللي تاخد راجل من مراته وتتجوزه عليها بس انا رآيي انه حسبي الله ونعم الوكيل في الراجل اللي يدخل بيت ناس محترمين ويتجوز بنتهم وفي الاخر يطلع بالحقا*ره دي ويكسر قلب مراته وام ابنه …. الشرع محللك ٤ علي عيني وراسي وانت مش مكفيك واحده وعايز تتنيل تتجوز التانيه يبقي خليك راجل وعرف مراتك الاولي وهي حقها توافق تكمل معاك او تطلب انها تسبها بالمعروف دا لو هتمشي بالشرع لكن انك تعيش مراهقة متآخره زي العيال وتكون سبب في كسرة قلب مراتك الاولي وفاكر نفسك كدا جامد يبقي حسبي الله ونعم الوكيل فيك الف مره".
وكتبت أخرى: أحب أقول للحلوة أللى بتقول ان هى هتكفيه الدنيا دواره و كمان تدين تدان نفس اللي حصل فيها هيحصل فيكي على كلام مراته الاولى إن هما قصة حب واول ما أهملت شوية ريقه جري على وآحده مهتمه بنفسها بس بعد الحمل والولادة والتربية لو اهملتي في نفسك يوم واحد هيجري على أول وآحده هتعجبه لأن برضوا اللى فى طبع مابيغيروش ده واحد بيهمه الشكل الحلو بيتجوز الست علشان شكلها مش علشان مضمونه واصلها واي ست بعد الحمل والولادة غصب عنها بيحصلها ضروب كده الراجل لو محترم ومتربي وواخذ مراته عن حب بجد علشان دي شريكة حياته بيقف جنبها ويساعدها علشان ترجع تأني تقف على رجلها علشان تسعد جوزها انما ده واحد مش محترم وزي ما الست بيحصلها ضروب في رجاله كتير بيحصلها بتتعب و بتقع فى شغلها بتطخن بتخس اي حاجه والست الأصيلة بتقف جنب جوزها علشان يرجع زى ما كان واحسن الحياة الزوجية مشاركة بين آتنين لو عايز مراتك أحسن حد قف جنبها وساعدها و لو عايزه جوزك أحسن حد اقفي جنبه وساعديه وبالنسبة للمناقشة الأخيرة بتاعت التعدد محدش قال إنه مش من حقه بس برضوا من حق الست إنها تعرف وتقرر هتكمل معاك ولا لا و إذا كانت موافقة على العيشة دى ولا لا انما هو قرر يتجوز ويعيش حياته لا و بيعملها وحش و متغير و مراته التانية تكلمه عآدى و كمان بيقولها غيرى من نفسك سبحان الله".
وعلقت متابعة على اللايف قائلة: انا قلبي وجعني بجد عليها وبتقولك ومجوزين عن حب بقالهم ست سنين وعمل فيها كده امال لو جواز صالونات كان عمل فيها اي بجد حسبي الله ونعم الوكيل في وفيها هي كمان وربنا ما يتتمم فرحتها علي خير ابدا وتتقهري قهرتها يا بعيده.
عمر حسين يعلن اعتزاله السوشيال ميديا
قرر عمر حسين اعتزال السوشيال ميديا بعد أثارته الجدل بـ الفيديو الأخير له وكتب عبر القصص القصيرة بموقع تبادل الصور والفيديوهات "إنستجرام":"جماعة أنا أسف ليكم كلكم ومقدر ان الايف اللي بنقدمه بيخرجكم وبيخرجنا من مود الشغل والحياة وبيخلينا نضحك ونفصل".
وتابع: "اللي حصل النهاردة مسببلي صدمة عصبية ومشيلمي ذنب فوق طاقتي ونفسيتي مش قادرة تتحمله، بعتذرلكم كلكم وعارف مدى حبكم وحبي للفكرة اللي بدأتها من شهور واللي اتبسطنا بيها كلنا، لكن ده هيكون أخر لايف ليا".
