”من جد وجد ”.. تامر حسني يكشف عن إيرادات فيلم ”بحبك” على مستوى العالم
كشف الفنان تامر حسني عن إيرادات فيلم "بحبك" على مستوى العالم، مشيرا إلى أن العمل حصل على أعلى حضور جماهيري في تاريخ السينما العربية.
وحضر الفيلم على مستوى العالم، مليونان و600 ألف شخص خلال شهر ونصف، كما اقترب الفيلم من تحقيق إيرادات تبلغ 600 مليون جنيه، في ظاهرة تعد الأولى من نوعها في السينما العربية.
وكتب تامر حسني عبر حسابه على "فيس بوك": "الحمدلله من جد وجد و ربنا بيكرم على قد التعب، الحمدلله عشان نجحت و حققت الإنجازين دول و اثبت اني كنت شايف صح و صاحب رؤيه و شخصيه فنيه مستقله مبتمشيش غير ورا قناعتها اللي بتتبني بعد دراسه كبيره للأشياء حبيت اقول للشباب مفيش مستحيل".
وتابع: "بقول الكلام دا عشان يكون قدامكو عبره واضحه تخليكو متيأسوش و دايماً عندكوا امل و ولا يهزكوا اي حروب و احقاد و ناس مأجوره كل دا (( بلح )) جانب الإجتهاد الحقيقي، و الانسان لما يبقى عنده تحدي قوي مؤمن بيه، اللي بيطلع من القلب بيوصل للقلب ولا يصح الا الصحيح، و اوعى تفتكر ان في مخلوق على الأرض يقدر يوقف رزقك، هيجيلك يعني هيجيلك ما دام اجتهدت و عملت اللي عليك".
وأضاف: "شكراً سينرچي و سكاي ليميت و فيلم سكوير و th برودكشن و اورينت الدوليه انكم صدقتوني لما قولتلكم ان شاء الله هنعمل انجاز تاريخي بفيلم رومانسي في عصر العنف و القتل، و هنرجع نحب ونرجع المشاعر تاني، اهو الإنجاز بقى انجازين رقم عمري ما طلبته من ربنا لإنه عمره ما يجي في خيالي، كنت اطمح في ربعه و عدد زوار الفيلم ربنا كرمنا و فخور كل الفخر بأن اعلى رقمين في تاريخ السينما على مر العصور تم تحقيقهم بفيلم من تأليفي و موسيقتي التصويريه و إخراجي، الحمدلله و مليون مبروك لجميع ابطال و صناع الفيلم، و كل الشكر الجمهور المصري و العربي و العالمي اللي شرفنا و تسبب في هذا الحدث العظيم في حياتي".
أبطال فيلم "بحبك"
فيلم "بحبك" من بطولة كلا من تامر حسني، هنا الزاهد، وهدى المفتي، وحمدي الميرغني، ومدحت تيخا، والعديد غيرهم من النجوم، تأليف وإخراج تامر حسني.
