”أنا المقتول الحي”.. رشوان توفيق يكشف باكيًا تفاصيل أزمته مع ابنته
انتابت رواد السوشيال ميديا حالة من الحزن، إثر كشف الفنان القدير رشوان توفيق تفاصيل عن أزمته مع ابنته "آية" وزوجها ونجلها والتي وصلت إلى ساحات القضاء.
وقال رشوان توفيق خلال حواره مع الإعلامي عمرو الليثي مقدم برنامج "واحد من الناس" عبر قناة "الحياة":"في قضايا مع ابنتي آية بسبب زوجها وابنه ومحبش اتكلم عنهم، وأنا اديتهم حياتي كلها واللي بيحصل ده هسيبه للقانون، وأنا بثق في عدالة القانون".
وتابع:"حياتي كلها كانت لبيتي وأبنائي، فأنا لا أملك في حياتي سوى هاتفي المحمول وفضل الله علي".
وعلقت ابنته هبة رشوان توفيق، قائلة: "هو كتب كل حاجة لينا في حياته من زمان و كانت الأولوية لماما ولينا".
ليعود رشوان ويستكل حديثه : "مريت بظروف قاسية جدا في المشوار الفني الطويل حياتي، كنت بمر بظروف قاسية جدا كنت أبقى مسافر بره مصر و مش معايا فلوس، وكنت أبقى نايم بجوار زوجتي وأقول لها إنت إيه فولاذ. أقسم بالله 62 سنة مكنتش تقول هنعمل إيه بكره، فكنت بحاول أفرحها بأي حاجة وأشتري أي شيء و أكتبه باسمها و اسم البنات".
وأكدت هبة أنه كان حاسس أنه هيروح قبل ماما، وعشان كده كل أملاكه كانت ليها، وسبحان الله هي انتقلت الأول.
تابع رشوان توفيق باكيا: "حياتي فيها تجارب قاسية كتير جدا، وأقسى تجربة اللي أنا عشتها دلوقتي.. أنا بقعد أكلم نفسي مضايق، أنا المقتول الحي".
الجمهور يعلق على أزمة رشوان توفيق
وعقب إذاعة الحلقة ، بدأ رواد السوشيال ميديا في التعبير عن حزنهم على الفنان القدير رشوان توفيق وكتب أحدهم:"أب و إنسان وفنان محترم والله قلبي وجعني عليك ربنا يرفع عنك الهم والكرب والله حضرتك ماتستاهلش كده".
وعلق أخر:"ابتلاء صعب من أقرب الناس ليك، ربنا معاك وينصرك عليهم.. أما البنت العاقة لوالدها المحترم رينا يمهل ولا يهمل".
