ابنة محمد حلاوة تهاجم ياسمين عبد العزيز: ياريت تبطلي أذى بدل ما نعرف الكل
لم يتوقف الهجوم على ياسمين عبد العزيز من قبل عائلة طليقها رجل الأعمال وعضو مجلس الشيوخ محمد حلاوة،حيث شهدت الساعات القليلة الماضية هجوم جديد من ليلى ابنه الأخير على الفنانة مُتهمةً إياها بخطف والدها من أسرته.
وكتبت ليلى، عبر خاصية القصص القصيرة عبر حسابها الشخصي على “إنستجرام": "إوعي تدّعي حاجة مش فيكي أنت عمرك ما كنتي كويسة مع حد.. إنتي اللي خطفتي بابانا مننا من 17 سنة، وكانت أمي على ذمته وحاولتي طول الـ17 سنة تقطعي علاقتنا ببابانا وحاربتينا وأذتينا كتير"
وتابعت:" الناس العادية مش عارفة حاجة بس الناس اللي حوالينا عارفين كل حاجة.. ياريت تبطلي أذى بدل ما نعرف الكل.. انتي اللي قاطعانا عن إخواتنا من يوم ما اتولدوا ".
وأضافت:" كفاية اللي عملتيه في شرم الشيخ من شهر معايا قدام الناس كلها.. عيييييييييييب وكفاية وبطلي تظهري بصورة مش حقيقتك".
وسبق وهاجمت شقيقة رجل الأعمال محمد حلاوة، السيدة لمياء ، الفنانة ياسمين عبد العزيز وقالت عبر فيديو على "إنستجرام": يا جماعة إحنا بقالنا 3 سنين بنتحارب ونتهاجم ويتقال علينا كلام غلط وأحنا مبنردش علشان خاطر مصلحة ولادنا وعلشان ده اللي اتعلمناه في الدنيا أن احنا نخاف على ولادنا بس الظاهر أن في ناس تانية مش فارق معاها الكلام ده".
وأضافت:" احنا خلاص خرجناكي من حياتنا وقفلنا صفحتك ومش بس كده مبنفتكركيش وعاوزينك أنتي كمان تركزي في صفحتك وتنسينا وحاولي أن أنتي تكوني سعيدة لأن أحنا بقينا سعداء وأحنا بعيد عنك".
واختتمت حديثها:" يارب الكلام ده يوصلك لأن غير كده أنا أظن أنك هتبوظي الصفحة الجديدة بتاعتك هي كمان، ده اللي عاوزة أقولهولك وأقوله لمصلحة ولادك".
ويذكر أن ياسمين عبد العزيز كانت متزوجة من رجل الأعمال محمد حلاوة في زواج دام 17 عاما وإثمر عنه إنجاب طفلين .
