ياسمين عبد العزيز عن أزمتها الصحية الأخيرة: اتفقت أنا والعوضي على الخلفة ولكن حصل خطأ طبي

كشفت الفنانة ياسمين عبد العزيز، أن السبب وراء أزمتها الصحية التي مرت بها هي رغبتها في الخلفة ولكن حصل خطأ طبي.

وقالت ياسمين عبد العزيز خلال حوارها مع الفنانة إسعاد يونس في برنامج "صاحبة السعادة" المذاع عبر قناة dmc: الأزمة الصحية اللي حصلتلي كانت بسبب اني داخلة عملية اشيل الاكياس اللي عندي عشان احمل لأني انا واحمد العوضي بعد مسلسل اللي ملوش كبير كنا متفقين على الخلفة.

وتابعت: دخلت العملية وحصلت غلطة وكنت هموت فيها وربنا كتبلي عمر جديد.

وأضافت: أنا ساعات بنسى بس بفكر نفسي تاني باللي مريت بيه، وأدخل نفسي في المود اللي كنت حساه، وافتكر شكلي مرة تانية لما كنت تعبانة عشان أرجع أفوق مرة تانية، ودا اكبر موقف صعب مر عليا، لأني قعدت في السرير أربع شهور، وعملت 6 عمليات 4 في مصر وعمليتين برا، وكنت أبص لربنا وأقول سبحان الله، بعد كل ده أنا لوحدي.

واتمت: بعد الموقف دا أنا قربت أوي من ربنا، ومبقاش يفرق معايا حد غير إن ربنا ميزعلش مني.