كاملة أبو ذكري توضح أسباب انسحابها من مسلسل ”زي الشمس”
تصدرت المخرجة كاملة أبو ذكري بدر محركات البحث على موقع جوجل بعد لقاءها مع منى الشاذلي في برنامجها "معكم" عبر قناة cbc.
وكشفت كاملة أبو ذكري خلال البرنامج سبب انسحابها من مسلسل "زي الشمس" وقالت:" أحلى قرار أخدته في حياتي، كنت صورت أول 10 حلقات وحضرت كل ديكوات المسلسل والملابس حتى اللي صوروا فيها بعد كده".
وأضافت:" مكنتش عاوزة أهزق نفسي وعندي أقعد في البيت ولا أهزق نفسي".
وأوضحت:" أنا مسبتش مسلسل "زي الشمس" أنا اضطريت اسيبه، وجودي كان مضايق ناس، قالولي اعتذري و كان في تهديدات أن لو مش هتسمعي الكلام مش هتلاقي حد يشغلك وانتى مغضوب عليكي".
وتابعت :" حسيت أن المسلسل دا ميخصنيش ولا عاوزة اسمي يتكتب عليه، وعدى الوقت واتقابلت معاهم واتكلمنا، بس الحدوتة دي أثرت فيا".
ويذكر أن مسلسل "زي الشمس" عرض في رمضان 2019 من بطولة دينا الشربيني، وأحمد السعدني، وأحمد داود، وريهام عبد الغفور، وسوسن بدر وجمال سليمان وتأليف مريم ناعوم وإخراج سامح عبد العزيز.
