ننشر ..نص كلمة السيسى خلال افتتاح تطوير مطار الغردقة

منذ أن تولى الرئاسة وحمل على عاتقه أن يكون قريباً من البسطاء فاعتمد في خطاباته لغة سهلة بسيطة تلقائية تصل إلى قلوب السامعين دون عناء.

وفي افتتاحه لتطوير مطار الغردقة وقف كعادته يلقى كلمته المرتجلة بلغته السلسة و»الأموال« تنشر نص كلمة الرئيس عبدالفتاح السيسى فى افتتاح مطار الغردقة كما قالها دون تدخل منها لحرصها على انتهاج نفس سياسة الرئيس في ايصال الكلمة إلي قلوب القراء بلا وساطة..

الجهد الكبير اللى بنديه لنفسينا ولبلدنا واننا هنكبر وهنزيد بفضل الله سبحانه وتعالى أنا بس هاقف عند حاجة وأرجو انكم ما تزعلوش منى المطار اللى تكلفته 450 مليون جنيه بتوع الترمك.. مش الترمك ده عرضه 60 متر * طول 4 كيلو مش الممر كدة مازحاً أحد الجالسين »طب استنى علينا« هو كدة 450 مليون جنيه كتير أوى وبعدين سنة عشان نعمل حقل الطيران ده لا.. لا أنا بتكلم كلام بجد إذا كنتوا انتم عاوزين تحسسونا اننا بنتحرك بالمعدلات المطلوبة مش المعدلات العادية ما ينفعش إلا 6 شهور مش سنة وست شهور كثير بقول ده عبارة عن حقل طيران بنعمل أرض مازحاً مع أحد القادة الجالسين »مش كده يا فندم ولا إيه« احنا بنتكلم ليه عشان يبقى اللى احنا عملناه ده يبقى مستكمل بالضبط ثم الـ 450 مليون جنيه كتير أوى نجيب الشركة اللى حتشتغل من فضلكم تبدأ شغلها لغاية ما ندبر الفلوس لكن احنا هندبر الفلوس الأول وبعدين  نعمل لا.. لا مافيش وقت احنا بنتكلم على أربع خمس شهور نكون عملنا إن شاء الله أه طبعاً حقل الطيران ده عشان يبقى نقول المطار بتاعنا جهز أرجو أن ده لا يقل من اللى انتو عملتوه بس احنا بنقول ان المعدلات اللى احنا محتاجين نشتغل بها عشان ندى الأمل لنفسينا وللمصريين مش هتنفع المعدلات الطبيعية ومش هتنفع الأسعار الطبيعية بردوا واحنا قلنا الكلام ده قبل كده بنقول يافندم من فضلكم اللى يشتغل معانا دلوقتى وقت العطاء لمصر اللى بيكسب قبل كده أياً ما كان مكسبه لازم يقلل عشان إيه عشان حجم الجهد والإنتاج اللى احنا بنعمله ضخم جداً اللى احنا عاوزين نعمله كبير أوى طب هنعمله إزاى احنا عاوزين كل يوم وانتو هتشوفوا معانا كلنا حجم العمل اللى اتعمل واللى هيتعمل خلال الأيام والشهور القليلة القادمة محتاجين نشتغل كتير ونتحرك كتير عشان المطلوب كتير وعشان لما بنقول للمصريين فىه أمل حقيقى لأ فىه أمل طبعاً انتو عندكوا شك ولا إيه احنا ناجحين وهننجح بفضل الله سبحانه وتعالى احنا ناجحين وهننجح وهتشوفوا إن شاء الله النيل للغردقة وهنشوف حاجات تانية كتير احنا بنبنى وهنبنى ولازم بس مش هنقول شوية جرأة شوية ثقة مع الصبر دى نقطة مهمة جداً لأن احنا محتاجين واحنا شغالين نقولها دايماً لنفسينا ما حدش عمل اللى المصريين عملوه اللى عملوه المصريين كبير أوى أوى اسمحولى أقلكم حاجة صغيرة أوى فى حادثة صعبة أوى حصلت فى مدرسة فى دولة مات فيها 141 تلميذ قتلوهم تسعة دخلوا على المدرسة وقتلوا 141 تلميذ غير الدولة التانية اللى كان فيها رهاين مش عارف إيه أنا لما بقول الكلام ده مش يفكر الناس عشان أخوفهم لأ أنا بقول الكلام ده وبألح عليه عشان لازم نكون قدام عنينا المصريين ما يخفوش ولو كانوا بيخافوا ما كانوش اتحركو وعملوا اللى هما عملوه دايماً الكتلة المصرية واحدة وما تتفككش كل اللى يتحرك عارف كويس أوى واسمحولى أقلكم أنا بكلم كل المصريين اللى بيتحرك مخوفاه أوى الكتلة دى أقول حاجة كمان ومخوفاه أوى ان الكتلة دى يبقى وراه حد ما هو أصل هنعمل إيه مش عارفين نفصل بين المصريين أدى واحد عايز منى نفصل بين المصريين وبس اللى هما اختاروه ينفع لأ.. لأ.. لأ هو ده الخطر اللى أنا بنبه عليه كلنا باختلافنا واختلاف آرائنا واختلاف توجهاتنا اختلفوا زى ما انتوا عايزين فى الكلام وفى الفكر وفى الاعتقاد كمان لكن أوعوا أبداً حد يخلينا نختلف على بلدنا أبداً ما نتقسمش أبداً ماحدش هيقدر على مصر طول ما أهلها كتلة واحدة أرجو أن النقطة دى إننا كلنا.. كلنا إعلاميين وسياسيين ومثقفين ومفكرين ومواطن مصرى عادى وشباب مصر العادى حاططها فى دماغه طول ما انتوا كدة ما تقلقوش على بلدنا.

عايز أقول لكم على حاجة أنا ما كنتش مرتب بصراحة كلمة مافيش حاجة اسمها نظام فى حاجة اسمها مصر دولة مصرية الشعب المصرى ينتخب يجيب رئىس يمسك دولة واقفة على حيلها مش نظام كل شوية يتغير ولما يتغير يقولو عاوزين لأ.. لأ.. لأ هى دولة مصرية بمؤسساتها اعلامها قضائها شرطتها جيشها كلها على بعض بتشتغل علشان خاطر بلدها مش عشان خاطر حد يتغير الحد يجى حد تانى يكمل بالدولة المصرية يكمل بالدولة المصرية مش بحد تانى مهم أوى أن احنا ننتبه للكلام اللى أنا بقوله ده.

أنا عايز أقول لكم ما حدش هيقدر يرجع مصر للوراء مش يعنى كلام بقوله عشان نطيب خاطر الناس هو انتم مش واخدين بالكم انتم عملتوا إيه ولا إيه انتم غيرتوا الدنيا كلها يبقى فى حد هيجى غصب عن المصريين ويقول أنا هو ما حدش اتعلم ولا إيه هو الناس ما اتعلموش حاجة فى الأربع سنين اللى فاتوا ما علمتهومش ان محدش يقب مش اننا هنمنعك عشان الشعب هيمنعك مش كدة ولا إيه أنا ما بمنعش حد لكن المصريين هما اللى هيمنعوا هما اللى عينهم على بلدهم خايفين عليها احنا خايفين على بلدنا كلنا وحنحافظ عليها وكمان لو عايزة إن احنا نموت عشان خاطرها نموت عشان خاطرها.. فأنا بس عاوز أقول بماسبة الافتتاح ده.. ده حاجة كدة لسة كتير إن شاء الله فيه شغل كتير بيتعمل وهيتعمل وفىه أمل كبير لينا بفضل الله سبحانه وتعالى كل الأمل ده مبنى عليكوا انتم يا مصريين على العمل والثقة والصبر »العمل والثقة والصبر« ثم ما حدش من فضلكم يفرقكم عن بعضكم ولا يفرقكم مش حد تانى كتلة واحدة كلتة واحدة مع بعضنا وماحدش يدخل بينى وبين المصريين.. بقولها من الآخر يعنى ما حدش يخش بينى وبين المصريين.

شكراً جزيلاً.. شكراً جزيلاً

 

اقرا ايضا:

السيسى يكلف اللواءخالد فوزي القيام بأعمال رئيس المخابرات

وزارة التموين:إستمرار إضافة المواليد الجدد الى البطاقات حتى2015

الدعوه السلفيه:لم نهاجم مشروع قناة السويس