أميرة أديب تواجه مطالبات الاعتزال برد صادم: ”الكره بقى موضة!”

خرجت الفنانة الشابة أميرة أديب عن صمتها بعد تعرضها لموجة من الانتقادات الحادة بسبب أدائها في الأعمال التي شاركت فيها مؤخرًا، وخاصة مسلسل "عايشة الدور"، الذي تقوم ببطولته دنيا سمير غانم، حيث وصلت الانتقادات إلى حد مطالبة البعض لها باعتزال التمثيل.

رد قوي للكارهين

في منشور عبر خاصية القصص المصورة على حسابها بـ"إنستجرام"، عبّرت أميرة عن استيائها من الهجوم القاسي الذي تتعرض له، قائلة: "اللي مضايقني مش الانتقاد.. لكن عدم الإنسانية والراحة اللي الناس بقت فيها وهي بتكره في العلن".

وأضافت بحسرة:"وبقى كل الدعم خاص. كمية الرسائل اللي بتجيلي بشكل خاص على أي حاجة بعملها كثيرة، الحمد لله، وأنا ممتنة لها، الحمد لله، بس مش دي الفكرة. الفكرة إني بقيت أحس إن الناس بقت تخاف تدعم في العلن، لأن اللي بقى "cool" هو الكره".

وتابعت: "ولما بيكون في دعم في العلن بنبدأه بـ'كفاية خوف من المجتمع، أنا بحب كذا'. بجد؟ بقينا خايفين نقول حاجة حلوة؟ ومش خايفين نأذي؟ مش خايفين نكره؟ عالم حقيقي غريب، وقد إيه أنا مش قادرة أفهمه أو استوعبه".

واختتمت:" من قلبي، بدعي وبحلم بعالم مش قاسي على الناس وعلى نفسه بالشكل ده. خير إن شاء الله".