أصالة تدهش متابعيها بمقطع مؤثر لحفيدتها في عيد ميلادها الأول.. شاهد
أثارت الفنانة السورية أصالة نصري مشاعر جمهورها بنشر فيديو لحفيدتها جيهان بمناسبة عيد ميلادها الأول، حيث ظهرت الطفلة الصغيرة مع والدتها شام، التي كانت تغني لها في لحظة مؤثرة.
وأرفقت أصالة الفيديو رسالة عفوية تعكس حبها وحنانها تجاه عائلتها، مما أضاف لمسة خاصة إلى هذه المناسبة السعيدة.
وكتبت أصالة : بعتذر من شامي لأني حبيت عايد بڤيديو خاص بعتتلي ياه اليوم وكتير حبيت شاركه معكم قد ما فيه بساطة وطيابة وطفولة ودفا وأمان، بنتي الصغيرة الهدية من الله كبيرة ( جيهان أحمد هلال) جيجي الّلي بنتجمع كلنا ع الأرض لمّا تكون عم تحبي أو عم بتحاول تحكي وشكلا بتعرف تغني وبتروق على الموسيقى وبتسلطن.
وتابعت: صار اليوم عمر جيجي سنة، كل سنة وحبيبتي وكلّ أطفال العالم بخير وبسلام، وبأوطان حلوة وبتحن عليهم ويا رب! جيجي وكلّ أطفال العالم يعمّروا بالفرح بيوت وما يشوفوا شي للأسف نحنا شفناه ويشهدوا العدل ويعيشوا بأمان.
واختتمت رسالتها: بعيد بنتي الصغيرة جيجي برجع وبقول الله يحفظ النِعَمّ واللي منهم أنتي يا روحي صار اليوم سنة.. بوعدك رح أصغر لك ورح أقوى لك وبعرسك أنا رح زفّك وأنا رح ربّي لك ولادك أنتي النّعمه اللي بترجّى ربّي يحفظها ويحفظ كلّ أطفال العالم قولوا آمين.
على الجانب الأخر، طرحت أصالة أغنية جديدة حملت عنوان "سوريا جنة"، موهي ن كلمات بتول زيدان ويارا أحمد، ومن ألحان وتوزيع علي حسون، وحققت ما يزيد على 3.5 مليون مشاهدة حتى الآن على "يوتيوب".
