أحمد العوضي عن المنافسة في رمضان 2025: أنا باصص في ورقتي ومبشغلش بالي مين جنبي
كشف الفنان أحمد العوضي، عن رأيه في المنافسة بينه وبين زملائه في المارثون الرمضاني المقبل 2025.
وقال العوضي، في تصريحات صحفية على هامش تكريمه بجائزة أفضل ممثل في مهرجان "الأفضل" بدورته العاشرة: "أنا باصص في ورقتي ومبشوفش المنافسة، في الآخر أنت بص في ورقتك وأنت ليك ناسك والنجم اللي جنبك ليه ناسه وليه الناس اللي بتحبه".
وتابع:وأنا هدفي أن الناس تحب اللي بقدمه ومبشغلش بالي مين جنبي عامل إيه، أنا بتمنى النجاح لكل زملائي وبتمنى لنفسي إني أنجح والناس تحبني أكتر في الشغلانة اللي بقدمها.
وأضاف: "أنا بقول دايمًا إن رزقي في الدنيا حب الناس ليَّ، وربنا يديم عليَّ حب الناس وإني أبقى في حضنهم وده بالنسبة ليَّ أهم حاجة في الدنيا، وده اللي بيخليني أشتغل أكتر وأسعى أكتر".
مسلسل "فهد البطل"
الجدير بالذكر أن العوضي يخوض دراما رمضان 2025 بمسلسل "فهد البطل"، ويشاركه البطولة ميرنا نور الدين، أحمد عبد العزيز، لوسي، محمود البزاوي، صفاء الطوخي، صفوة، كارولين عزمي، عصام السقا، عزت زين، حمزة العيلي، محمد مهران، أحمد ماجد، محمود فارس والعمل تدور أحداثه في إطار اجتماعي شعبي.
