حلال ولا حرام؟.. عمر كمال يتصدر ”الترند” بعد استغاثته بمشايخ الأزهر بشأن أمواله
تصدر الفنان عمر كمال "الترند" في مواقع التواصل الاجتماعي بعدما طالب أحد شيوخ الأزهر بالرد عليه في حقيقة أن أعماله الخيرية لن تقبل لأن أمواله حرام.
وقال عمر كمال في فيديو عبر حسابه على "تيك توك": "أنا مش بعمل فيديوهات خالص عمري ما عملت فيديو عشان خير وأطلع بسببها تريند، أنا مقتنع أن الخير اللي في السر ربنا بيكرم عنه أضعاف اللي في العلن، أنا ربنا كرمني آخر كرم عشان أنا علاقتي بربنا كويسة، أنا أظن ذلك".
وأضاف: "بس أنا بجد تعبت من الناس نفسيا أوي وعايز حد من الأزهر يطلع يرد عليا ياريت أي شيخ من الأزهر يطلع يرد، أي حاجة بعملها في حياتي يطلع حد يقولي أصل معنى الكلام "ربنا طيب لا يقبل إلا طيب"، أوكي أنا بعمل إيه غلط أنا بروح أغني في فرح بفرح ناس، بروح أغني في عيد ميلاد في حفلة تخرج أنا كعمر كمال عمري في حياتي ما طلعت في لايف أو فيديو قلت بعمل خير بس أنا اللي عايز عملية بعمله أو اللي عايز يساعد في إيجار بعمله أو اللي سقف بيته مش موجود بعمله، أنا بعمل اللي أقدر عليه ".
وواصل: "أنا فرقتي شايل مسئولية 50 أو 60 فرد فرقتي واللي شغالين معايا وأهلي واللي عايزين علاج، إنت بقى عملت إيه؟ أصل أنت فلوسك حرام؟ أنا فلوسي حرام بساعد بيها أنت بقى عملت إيه؟ اللي عايز يغسل كلى مرتين تلاتة في الشهر أنا عملته لكن أنت عملت ليه إيه؟ واللي سقف بيته الشتاء داخل عليه أنا ببنيه، أنت عملت إيه ؟ أنت اضطرتني أني أقول".
وأكمل: "أنا عايز أعرف من أي شيخ في الأزهر أنا بعمل خير بجيب من هنا بحط هنا، دا غلط ولا صح حد يقولي مين فينا اللي صح هما ولا إحنا، لو أنا غلط أبطل أعمل خير خالص عشان أنا تعبت نفسيا، كل شوية حد يقولي اصل أنت مش بتعمل، أصل أنت مش هيتقبل منك، أنا شايل فرقتي وشايل أسرتي وشايل السواق وعيلتي والناس اللي جيبت لها علاج وعمليات، يارب كل واحد في المجتمع يبقى زي عمر كمال كده يشيل شوية عشان محدش يبقى فقير أصلا".
واختتم عمر كمال كلامه: "أنا مش فاهم كل ما اتكلم يتقالي أنت نجحت في إيه؟ نجحت في المجال اللي عايز أنجح فيه، نجحت أني أجيب العربية اللي بحبها، نجحت أني أعيش أهلي عيشة كويسة، نجحت أن فرقتي 25 شخص وناس ببعتلهم علاج وناس بدفع لهم إيجار أنا نجحت في كده، أنت مش عايزين أنا أبعت تمام أنا فلوسي حرام، أنت هتبعت؟ ".
داعية يرد على عمر كمال
ومن جانبه رد الشيخ أحمد علوان، الداعية الديني، عبر حسابه على فيس بوك على استغاثته، قائلا: "يا حبيبي أنت عارف أنك وأمثالك ينتابكم هذا الشك وعدم الارتياح، وطالما بتسأل يبقى مش مرتاح، وهذا فأل خير بإذن الله".
