لأول مرة.. محمود شاهين يعلق على انتقادات حفل زفافه: كفروني وإلهام صفي الدين أختي
علق مدير التصوير محمود شاهين، و ابن شقيق الفنانة إلهام شاهين، لأول مرة على الانتقادات التي طالت حفل زفافه مؤخرًا، وذلك خلال لقائه مع blinx.
وقال محمود شاهين :"اللي قاعدين بينتقدوني ميعرفوش أي حاجه عني، ولا يعرفوا أنا مريت بإيه وميعرفوش حياتي عاملة إزاي، ولا يعرفوا علاقتي بربنا إيه الشخص اللي كفرني دا ميعرفش علاقتي بربنا إيه، كل ما في الموضوع بالنسبة ليا بقيت تريند شكرا شوية وهيموت".
وتابع: " ومعنديش رد على كل الحاجات دي غير إني واحد انبسطت بفرحي جدا ومبسوط أوي أوي إني حققت الحلم اللي كنت عايزه وإني اتجوزت البنت اللي بحبها".
و عن بكاء ابنة عمته الفنانة الشابة إلهام صفي الدين في حفل الزفاف، أوضح : "لولو بالنسبة ليها أنا أخوها وصاحبها بتجوز دي فرحة رهيبة كل اللي حوالينا كانوا بيعيطوا هما مأخدوش بالهم غير إن لولو باستني أو بتمسحلي عرقي، أنا أخوها دي بنتي، لولو بالنسبة ليا بنتي وأختي وصاحبتي، إحنا عيلة في إخوات ما بينهم أي حاجة؟ الناس دي بتفكر إزاي".
وكان حفل زفاف محمود شاهين تعرض لانتقادات كثيرة بعد ظهور مشاهد لا تليق أو تتناسب مع العادات والأعراف المصرية، ومن بين المشاهد ظهور نجل شقيق إلهام شاهين، وهو في حالة سكر وفقدان للوعي، حيث ظهر ممسكًا بزجاجة خمر وقام بـ"تحريكها" على الطريقة الأوروبية.
يذكر أن آخر أعمال محمود شاهين فى السينما هو فيلم "شقو" الذى عرض فى عيد الفطر الماضي، وهو من بطولة عمرو يوسف، محمد ممدوح، دينا الشربينى، أمينة خليل، محمد جمعة، وليد فواز، عباس أبو الحسن، جميل برسوم، حنان يوسف، مع ظهور خاص للفنانة يسرا وضيف الشرف أحمد فهمى ومن تأليف وسام صبرى، ومن إخراج كريم السبكي.
