رانيا يوسف ترد على أزمة فيلم ”أوراق التاروت”: حطوني في مصيبه مع الكـلب عشان يطلعوا تريند
ردت الفنانة رانيا يوسف عن الأنباء المنتشر بشأن منع فيلمها "التاروت" من العرض بسبب مشهد خيانة لها مع الكلب.
وقالت رانيا يوسف في مداخلة هاتفية مع الإعلامي عمرو أديب ببرنامج الحكاية والمذاع على قناة mbc مصر: "الفيلم هيتغرض وعمره ما كان ممنوع، ومن أول ما عملنا الفيلم والرقابة أجازته وأجازت النص والسيناريو وصورنا السيناريو بعد موافقة الرقابة، والفيلم مفيش فيه أي حاجة من الكلام الفارغ اللي بيتقال عليه خالص".
وتابعت: "لما شاب صغير عايز يعمل حوار وأقول له معلش مش عايزة أعمل حوارات أو مش عايزة أطلع في البرنامج بتاعك اعفيني وأعتذر بكل أدب، وسلاحه قلمه يحاربني بيه لمجرد إني مش عايزة أعمل حوار، للأسف دول دخلاء على مهنة الصحافة، ده غير السوشيال ميديا اللي مفيش فيها لا ضمير ولا أخلاق".
وأضافت: رانيا مش مثيرة للجدل دي بتشتغل وبتربي ولادها وفي حالها لكن هما مركزين معاها عشان يطلع تريند ويسمع ويتشهر على قفايا.
وعن مشهد الكلب: "هو عيب يكون في كلب في الفيلم، لسه مؤخرا فيلم راح مهرجان فينيسيا بالكلب، بعدين فيلم التاروت فيه كلب و قطه و بغبغان اشمعنا سابوا القطه و البغبغان و مسكوا في الكـلب، سميه الخشاب ليها قطه و مي سليم بغبغان و الكـلب ده بتاعي فشافوني في صوره مع الكلـب قالوا يلا نحطها في اي مصـيبه مع الكـلب عشان يطلعوا تريند، والفيلم متصور وخلصان من سنتين".
ووصلت :"هاخد إجراء ضد اللي نشر أخبار عن فيلم التاروت بالشكل ده لأن دي قلة أدب، فيلم التاروت مفهوش مشهد خادش للحياء وحسبي الله ونعم الوكيل في اللي نشر الخبر وبردو مش هعمل حورات مع ناس معرفهاش ولاهتطلع في برامج مجهولة انا محدش بيلوي دراعي".
أبطال فيلم التاروت
الجدير بالذكر أن فيلم التاروت بطولة سمية الخشاب، رانيا يوسف، مي سليم، عبد العزيز مخيون، محمد عز، وعلاء مرسي، محمد سليمان، خالد محروس، ووائل متولي، وبوسي شاهين، من تأليف معتز المفتي وإخراج إبرام نشأت.
