جوري بكر تتحدث عن عودتها لزوجها وسبب خوفها من ”برغم القانون”
أكدت الفنانة جوري بكر أن إنفصالها عن زوجها وعودتهما سريعاً لم يكن بقصد التريند ولكن هو عبارة عن سرعة قرار جاء في وقت غير موفق.
وقالت جوري بكر، خلال مداخلة هاتفية في برنامج "تفاصيل"، مع الإعلامية نهال طايل، والذي يعرض عبر فضائية "صدى البلد 2":"أي ست مجنونة بتنفعل وبتتعصب على حاجات تافهة ممكن تعمل أي تصرف غصب عنها والسوشيال ميديا ده مكان لأخبار الفنانين واللي عملته غلط لأني مش المفروض أتكلم عن حياتي الشخصية".
وعن دورها في "برغم القانون"، أوضحت:"كنت خايفة جدا لما قريت دوري في مسلسل برغم القانون، لأنه دور صعب جداً والمخرج شادي عبد السلام هو اللي رشحني للدور والمنتج ريمون مقار.. قولتلهم ليه أنا اللي أعمل الدور ده قالولي مش شايفين حد غيرك يقدر يعمل الدور ده".
وتابعت جوري بكر: "حاسة أني لو عملت دور طيب مش هيليق عليا".
واختتمت حديثها: "إيمان العاصي من الشخصيات الجميلة ولما قربت منها حبيتها أكتر وهي هادية جداً مهما كانت في أحداث حواليها عامله زي الأطفال الصغيرين تاخد كرسي وتقعد على جنب وملهاش دعوة بأي حاجه، بس أنا غيرها بحب أعرف اللي بيدور حواليا ومش بحب أبقى قاعدة في اللوكيشن ومش عارفه اللي حواليا ووالدتي أول واحده باركت لي على دوري في برغم القانون".
الجدير بالذكر أن مسلسل برغم القانون يعرض حاليًا عبر شاشات التلفزيون، وهو بطولة إيمان العاصي ، هاني عادل، محمد القس، جوري بكر، وليد فواز، عابد عنان، رحاب الجمل، فرح يوسف، عايدة رياض، محمد محمود عبد العزيز، جيسيكا حسام الدين، نبيل على ماهر وعدد آخر من الفنانين، تأليف نجلاء الحديني، وإخراج شادي عبد السلام، وإنتاج شركة فنون مصر للمنتجين ريمون مقار ومحمد عبد العزيز.
