متصلة تحرج مروة عبد المنعم على الهواء : أنتي واخدة مكاني في الإعلام
هاجمت متصلة الفنانة مروة عبد المنعم، إذ قامت سيدة تدعى عبير بعمل مداخلة هاتفية أثناء عرض حلقة برنامجها تفاحة مصرية المذاع عبر شاشة قناة الشمس.
وقالت عبير: أنا عندي مشـكله عايزه اتكلم فيها بس متقـطعوش عليا الخط، مشكلتي مع الناس اللي بتشتغل مهنه تانيه غير مهنتها، زي حضرتك كدا مثلاً شغاله مذيعة و اتتي ممثلة معرفش تيجي ازاي.
وتابعت موجهة كلامها لمروة عبد المنعم: أنا عندي 27 و خريجة كلية إعلام و قاعده مبشتغلش عشان حضرتك واخده مكاني.
كما علقت على ملابس مروة عبد المنعم على الهواء، قائلة: عملتي حلقة بتقولي أين اختفت الأنوثة وانهاردة طالعة ببنطلون وجينز وكوتشي، المفروض نسألك أين اختفت المذيعة زمان كانت بتلبس بدل وشعرها يبقى مهندم ومترتب انتي ازاي طالعة كده هو ده يليق بالإعلام.
مروة عبد المنعم والحجاب
وكانت مروة عبد المنعم تصدرت مواقع التواصل الاجتماعي بعد تصريحاتها الثيرة حول الحجاب، حيث قالت خلال لقاء لها ببودكاست أمل غرابية: أنا مؤمنة بالحجاب رغم كونى غير محجبة ولكن هل هدخل الجنة بالحجاب ولا برحمة ربنا، بالصلاة ولا بالحجاب، يوم ما أنزل القبر هيكون سؤالي عن الصلاة والناس فاهمة الدين غلط، وفاهمين الدين مظهر وليس جوهر، وأنا عشت حالة بشعة من التنمر في موضوع حجاب بنتي، إزاي هي تتحجب وأنا أمها غير محجبة، يبقى أنا الشيطان الرجيم.
آخر أعمال مروة عبد المنعم
الجدير بالذكر أن آخر أعمال مروة عبد المنعم مسلسل "بقينا اتنين" الذي عرض حصريا على قنوات cbc وcbc دراما ومنصة watch it، وهو بطولة شريف منير ورانيا يوسف.
