إلهام شاهين في مرمى الانتقادات بعد حديثها عن ”العمل أولى من الصلاة”
تسبَّب مقطع مرئي قديم للفنانة إلهام شاهين، في توجيه انتقادات واسعة ضدها .
و ظهرت إلهام شاهين في الفيديو المتداول وهي تهاجم أحد المخرجين لتركه العمل والذهاب للصلاة، قائلة: "اشتغلت مع أحد المخرجين، كان راجل طبيعي جدًا عادي، فجأة تدين بشكل غريب جدًا، فى كل آذان يسيب التصوير والكاميرا دايرة ويسيب الممثلين، لا وكمان ياخد كل العمال معاه وينزل يصلي".
وتابعت: "خلص المشهد الأول وفي الأوضة بتاعتك وصلي لكن تعطل الاستديو كله، ده عمرنا ما كنا بنشوفه، مش توقف الشغل علشان ميعاد الصلاة".
وعلقت إلهام شاهين على انتشار هذا الفيديو بشكل كبير على السوشيال ميديا وانتقاد الجمهور لها، قائلة:رأيي متغيرش من وقت تسجيل هذا الفيديو المتداول، وشايفة إن الأولوية للشغل ثم الصلاة، خلّص شغلك وبعدين صلي، لكن متوقفش الشغل عشان تصلي، ووقت تصوير هذا المسلسل معلقتش على موقف المخرج اللي وقف التصوير من أجل الصلاة، ولا عملت مشكلة معاه، لكن معجبنيش إننا نوقف الشغل عشان نصلي، مينفعش الأستوديو كله يتفرش للصلاة، الصلاة مكانها غرفتك أو الجامع.
وأضاف: بنمشي في الطرقات نلاقي ناس قاعدة بتصلي ودي حاجة جديدة مكنتش موجودة، كل واحد يصلي في غرفته أو لما يروّح بيتهم، والفيديو المتداول ليا نازل من عشرين سنة.
أخر أعمال إلهام شاهين
الجدير بالذكر أن أخر أعمال إلهام شاهين، مسلسل ألفريدو والذي تعاون فيه مع أحمد فهمي، ندى موسى، أمير شاهين، وغيرهم من النجوم، وهو من تأليف عمرو محمود ياسين، ومن إخراج عصام نصار.
