”هفضل لحد ما أموت ممتنة ليها”.. شيرين عبد الوهاب تكشف عن دعم هيفاء وهبي لها في أزمتها .. والأخيرة ترد : بحبك
كشفت النجمة شيرين عبد الوهاب عن مسانده الفنانة اللبنانية هيفاء وهبي لها في أزمتها الأخيرة، موجهه لها رسالة شكر.
وكتبت شيرين عبد الوهاب في منشور عبر حسابها الرسمي على موقع "إكس": "أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني".
وتابعت: "هيفا اثبتت ان الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي. وياريت ياريت فى مصر لو في مشاكل انا بناشد اى حد ان الست دى طيبة جدا جدا متستاهلش إلا كل خير".
و ردت هيفاء وهبي على رسالة شيرين عبد الوهاب، كاتبه عبر حسابها على موقع "إكس": "حبيبتي شيرين أنا ما عملت شي وإنتي بتستاهلي كل خير مبروك علينا رجوعك لفنك الجميل ومبروك لجمهورك المشتاق، بحبك".
الجدير بالذكر أن شيرين عبد الوهاب طرحت عبر حسابها بـ تويتر أغانيها الجديدة هما "بتمنى أنساك"، من كلمات وألحان عزيز الشافعي، وتوزيع توما، وأغنية "اللي يقابل حبيبي"، من ألحان عزيز الشافعي وكلمات تامر حسين، وتوزيع توما، و أغنية "هنحتفل"، من كلمات تامر حسين، وألحان عزيز الشافعي، وتوزيع توما.
