” بيحبني من 2016”.. جميلة عوض تكشف تفاصيل قصة حبها مع زوجها المونتير أحمد حافظ
تحدثت الفنانة جميلة عوض عن تفاصيل قصة حبها مع زوجها المونتير أحمد حافظ.
وقالت جميلة عوض خلال برنامج صاحبة السعادة الذي تقدمه الفنانة إسعاد يونس عبر شاشة قناة dmc: الموضوع ابتدى من عنده .. هو بيمنتج حاجتي فـ هو بيحبني من أوضة المونتاج فـ أنا ماكنتش شوفته بس هو شافني ودايمًا لما بيشوفني الكاميرا بتبقى دايرة فـ ببقى برغي مع حد من صحابي فـ شايفني قبل التصوير وأثناء وبعد التصوير.
وتابعت: حبه ابتدا من 2016 من وقت فيلم هيبت بجد أنا وقتها كنت صغيرة وشكلي مش اللي يخليه يُعجب بيا والكاراكتر بتاعي في هيبتا مرlهقة ولابسة كاب ، وعرفت إنه سأل حد من صحابي قاله " صغيرة أوي ومش هتديلك وشك ".
وأضافت: فـ حياته موقفتش بس بقيت مثلا أعمل إعلان أو فيلم يبقى هو اللي بيمنتجه برضو .. أنا عملت معاه حاجات كتير " هيبتا ، الضيف ، لا تطفئ الشمس " و3 دقات و4 إعلانات تاني، وبعد لا تطفئ الشمس اتقابلنا في مهرجان الجونة .. جه قالي أنا بحب آية أوي "اسم شخصيتي في لا تطفئ الشمس" وقال الجملة دي قدام تامر حبيب كذا مرة فـ تامر قعد يهزر عالقصة دي فـ قولتله بنبرة جد "تيكو أنا مبحبش الهزار في الحاجات دي" عشان تامر لو عجبته حاجة هتبقى ماتريال وهيقعد يحكيها للناس كلها وهيطلع عليا حاجة مش في دماغي.
وواصلت: بعدها بقى من وقت للتاني بقى يجيبلي هدايا ويبعتلي يسألني عاملة أيه فـ أقوله مسافرة في كذا يقولي ده أنا جمبك ما أعدي عليكي .. أقوله ده أنا راجعة مصر بعد ساعتين " بهرب من الموضوع " وهو مش عارف يقربلي
وأوضحت: الهداية كانت غريبة أوي ، يعني العلاقة بينا مش لدرجة الهداية اللي كانت بيجيبها .. كان بيجيبلي عريس وعروسة بيتلزقوا على التلاجة ودي مش شخصيته فـ مكنتش عارفة بيعمل كدة ليه .. فـ الموضوع مكنش في بالي لحد كـورونا.
وأردفت: وقتها كان بيكلمني بشكل دائم وابتديت أحس بالتعلق ووقتها قالي علطول " أنا بحبك .. إديني فرصة أكون موجود في حياتك .. ولو قررتي في وقت إنك مش عايزة إديني يومين وهنرجع صحاب ومش هتحسي إن فيه حاجة ناقصة "
واستمرت: كنت بقول لنفسي هييجي وقت ويفيص مني أكيد هييجي يقولي مش قادر أو مش مستحمل لكن كنت بلاقيه موجود ومهتم بس مش بيعيط ولا باين إنه تعب لأ رزين وتقيل .. عدا سنة لقيته مش بيشتكي وهنا كنت اتعلقت بيه، كل ما تحصل عندي دروبات في حاجات أو حاجات مع صحابي ويبقى هو المشترك بينا فـ هو الوحيد اللي أقدر أتكلم معاه وألاقيه بيتعامل مع الموضوع بشكل صحي .. عمري ما ابتـzني ولا قالي يا نبقى مع بعض يا نبعد، ولا قالي أنا مش قادر أبقى صديق بالعكس.
واختتمت: قالي لو بقينا أصدقاء هعمل كل اللي بعمله دلوقتي بكل لذاذة وهفضل أعمله وانتي مش هتحسي بحاجة ناقصة، و أنا نيتي هنكمل أصدقاء أصلا وماعنديش نية لحاجة تانية .. هو من ناحيته احنا مش أصدقاء وبيدّي اهتمام بس مديني مواصفات الصديق وعليها شوية حاجات من صفات المحبّ فـ أنا اتعلقت بالطريقة دي وبالوقت إن ازاي يكون حد بيحب حد كدة ومش مدلوق وماسك نفسه وفي نفس الوقت موجود بالشكل اللي كنت عاوزاه .. تقيل وموجود في نفس الوقت فـ وقتها قررت وحصل الارتباط .
