رامي جمال يكشف تفاصيل اللقاء الأول بزوجته ناريمان

خلال لقائه ببرنامج "معكم"، الذي تقدمه الإعلامية منى الشاذلي، على قناة ONE، حكى الفنان رامي جمال عن أول لقاء جمعه بزوجته ناريمان و عن تفاصيل ارتباطه بها.

وقال رامي جمال: "أنا تعرفت على ناريمان لما كانت عايزة تاخد مني لحن، وشفتها وعجبتني وهى بتتكلم وطريقة الكلام كانت عاجبة وداني".

وتابع: "أنا شخص مش خفيف، ومكانش عاجبني إني مركز في حاجة غير اللحن، ولما روحت عملت حركات الشباب المصريين واتصلت بيها أسألها روحتي".

وأضاف: "أنا بنام الساعة 12 بالليل أو واحدة لو سهران، في اليوم ده نمت الساعة 6 الصبح، واكتشفت إني ضعيف واعترفت لها في نفس اليوم".

وواصل: "أنا قلت معجب وأول أجازة لأخويا من السفر خطبت يوم الإثنين، وإتجوزت يوم الإثنين اللي بعده، أنا راجل معنديش هزار و تلاقيها لسه مش مستوعبة لحد دلوقتي إننا اتجوزنا، وصدقت فكرة إن الأرواح بتتقابل".

يذكر أن آخر أعمال رامي جمال، أغنية "يادمعي" وهي من ضمن أغاني ألبومه الجديد "خليني أشوفك".