وائل جسار يكشف رد فعل زوحته على تصريحات أسماء جلال: مفيش مشكلة تجبها ضرة
كشف المطرب وائل جسار رد فعل زوجته بعد سماعها تصريحات الفنانة أسماء جلال عنه و عن رغبتها في الزواج منه.
وقال وائل جسار خلال مدخلة هاتفية ببرنامج تفاصيل الذي تقدمه الإعلامية نهال طايل عبر قناة صدى البلد 2: "أسماء جلال اتكلمت بعفوية لا مثيل لها هي تلقائية، وقالت إن وقتها كانت صغيرة، أنا مش فاكر الموقف اللي حصل، وأنا عايز أشكرها من كل قلبي على حبها ليا ولأعمالي الفنية و أنا بتمنلها كل خير ويارب دايما تبهرنا بأعمالها، هي بعد أولاد رزق وتحسها نجمة كبيرة إن شاء الله وربنا يوفقها في حياتها وتستاهل إبن الحلال .
وتابع: وأنا تفاجئت بالكلام ده وأول مره أسمعه وهي قالت مع منى الشاذلي ياريت ميعرفش الكلام ده، وحبيت ثقتها بنفسها وأنها بتواجه كل حاجه هي حاسه بيها ومن قلبها وقليل جدا اللي بيكون كده.
وعن رد على زوجته قائلا: " قالتلي مفيش مشكلة تجبها ضرة، وأنا قلت لها أنا عندي إنتي بالدنيا كلها، هي متفهمة أن جوزها فنان وليه معجبات وعندها ثقة فيا وفي نفسها وإني اخترتها من بين ملايين البنات".
وعلى الجانب الأخر، يستعد وائل جسار لإحياء حفل جديد يوم 11 من يوليو الجاري، بالساحل الشمالي.
آخر أعمال وائل جسار
يذكر أن آخر أعمال وائل جسار، هي أغنية "حد يحينى"، من كلمات محمد الشافعى وألحان وتوزيع إسلام رفعت، وهندسة صوتية ماهر صلاح.
