في عقد قرانها.. ابنه مفيدة شيحة تتعرض لموقف محرج بسبب فستانها
كشفت الإعلامية مفيدة شيحة عن تعرض نجلتها "منة" لموقف محرج في عقد قرانها الذي أقيم مساء الجمعة 28 يونيو الجاري.
وقالت مفيدة في برنامج "الستات" على قناة النهار: "أثناء ما بنتي كانت بتتصور يشاء القدر عربية داست على ديل فستانها والفستان اتقطع، وبشكر من كل قلبي مصمم الأزياء إسلام حشاد، قلع الجاكت وجاب إبرة وفتلة وفضل ساعة ونص يضبط الفستان لمجرد يطمن منة".
ووجهت مفيدة شيحة الشكر لعدد من الحضور، قائلة: “أشكر خالد الجندي لعقده قران ابنتي واللي جه مخصوص علشان يجاملني ويجامل بنتي وأخويا محمد، الشيخ خالد الجندي مثال للشيخ الرائع أخلاقا وخلقا وطريقة الكلام ومفيش كلكعة وعقد وفيه ضحك ومعلومة ونصيحة حلوة بناخدها ببساطة”.
وتابعت: وفيه مجموعة ناس عاوزة أقول لهم شكرًا لأنهم شافوا منة من وهي صغيرة وحسيت إني معايا خمسين أم، وبوسي قالت لي شغلي حبيبة أمها، وكمان بشكر إيمان رياض ومريم أمين ورولا خرسا ودعاء عامر، وأصحابي كلهم وشيرين الشايب وسهير شلبي.
يذكر أن منة الله عماد هي ابنة مفيدة شيحة الوحيدة، تخرجت في الجامعة البريطانية عام 2021 وتخصصت في علم النفس.
