فريدة سيف النصر: أقرب صديقاتي خانتني وتزوجت زوجي
كشفت الفنانة فريدة سيف النصر أنها تعرضت للخيانة من أقرب صديقاتها، وذلك خلال حلولها ضيفه على برنامج واحد من الناس الذي يقدمه الإعلامي عمرو الليثي عبر قناة الحياة .
وقالت فريدة سيف النصر: اتجوزت مرة واحدة من ضابط المباحث أسامة الشافعي، و لكن الجوازة نفسها تلاتة لأننا كنا بنطلق ونرجع ونطلق ونرجع لأننا كنا مجانين خالص وبنحب بعض، وتالت مرة ما قبلتش يكون عندي محلل ولا هو قبل وكان لأسباب جامدة بسبب واحدة دخلت في النص وكنت بسامحه كتير لكن في الموضوع ده مكانش ينفع.
وأوضحت : كان عندي وحدة صاحبتي بحبها وهي قريبة مني بسبلها البيت، وكنت أنا حلوة جدا وهي مش حلوة، وكانت الصدمة أنها اتجوزت جوزي بعد كل اللي عملتهولها ومسمحتش جوزي بسبب الخيانة وبعدها جالي عروض زواج كتير لكني سبب ابني"، مضيفة: "اتعقدت من الرجالة".
وعن قصة تعرفها على زوجها، قالت: كنت بعمل مسرحية الغبي وأنا على مسرح الجلاء، وجت شخصية مهمة مش مصرية عاكست وقلت أدبها، ضربته بالشبشب جابوا ليا القسم ظابط المباحث وكان أسامة الشافعي اللي اتجوزته بعد الموقف ده.
وأضافت: قال عندها حق أنها قلت ادبها عليه والتاني بتاع سفارة وشخصية مهمة، وأسامة قالهم دي قريبة مين، قالوا لي بنت عم سيف بيه النصر حمدي المفتش بتاعك ومن هنا حصل تعارف وطلبني للجواز لكني كنت رافضة.
يذكر أن أخر أعمال فريدة سيف النصر مسلسل "العتاولة" الذي عرض في شهر رمضان الماضي، وهو من بطولة أحمد السقا، طارق لطفي، باسم سمرة، زينة، صلاح عبدالله، مي كساب، ميمي جمال، وآخرين. تأليف هشام هلال، وإخراج أحمد خالد موسى، وإنتاج سيدرز آرت برودكشين.
