تامر حسني يعلن تقديم مهرجان للاحتفال بطلاب المدارس.. تعرف على التفاصيل
قرر الفنان تامر حسني تقديم مهرجان سنوي تحت عنوان مهرجان تامر حسني للمدارس يضم 50 مدرسة للاحتفال بالخريجين وبدء المواسم الدراسية الجديدة، وذلك نظرًا لارتفاع تكاليف حفلاته التي قد تكون ثقيلة على بعض المدارس.
وكتب تامر حسني منشورًا، عبر حسابه الشخصي بـ انستجرام، جاء فيه: عارف أن تكاليف حفلاتي بشكل وحجم المسرح وجميع المؤثرات البصرية الخاصة بشغلي ميقدرش عليها كتير من المدارس، فقررت أعمل مهرجان كل سنة وفيه أقوى التجهيزات العالمية، يوم بجمع فيه 50 مدرسة زي النهاردة، ونحتفل معاهم وسميناه مهرجان تامر حسني للمدارس والمهرجان، ده إهداء مني لكل تلاميذ وأساتذة ومدارس مصر العظيمة.
وتابع : في يوم التخرج أو بدء الموسم الدراسي ياما فرحتوني بتعليقاتكم وبحضوركم افلامي، وسماعا الأغاني عشان كده حبيت أردلكم الفرحة دي بطريقتي، وحفلة النهارده حقيقي من اجمل الحفلات اللي قدمتها على مدار مشواري، مليون مبروك لكل الشباب الخريجين، وعقبال كل السنين وحتى للمناسبة دي عملت أغنية وهتنزل من الحفله دي إن شاء الله على طول.
واختتم منشوره : شكرًا للنجم ماجد المصري وابنه المطرب الصاعد آدم المصري، والمطربة الصاعدة دانيا الحريري، والنجمة رانيا منصور وابنتها نجمة المستقبل توانا، والفنانة الصاعدة سارة هيثم والطفل الجميل آسر أحمد، وأمايا وأصدقائها اللي عملولي remix هايل، الحفلة عملها وحوش المسرح العربي اللي فخور أنهم من فريقي، وليهم عندي بوست مخصوص على مجهودهم الخارق اللي حصل النهاردة، شكرًا لكل الجمهور الكريم وإن شاء الله نتقابل السنة الجاية.
