أحمد داش يتحدث عن مسلسل مسار إجباري:اتحمسنا أنا وعصام عمر اننا نكسر فكرة الخوف من السن بالبطولة الشبابية
كشف أحمد داش عن كواليس خاصة بـ مسلسل مسار إجباري، وذلك خلال لقائه ببرنامج الراديو بيضحك والذي تقدمه الإعلامية فاطمة مصطفى على راديو 90: 90.
وقال أحمد داش: فكرة شباب ونجوم دي لازم نلغيها، إحنا الوحداء في مصر اللي بنكتب النجم الشاب أو النجم الصاعد أو كدة، إحنا لازم نكسر الحاجز ده عندنا، احنا في مصر دايما فيه خوف من الشباب والفكرة دي لازم تتلغي انت لو عندك عمل كويس هيفرض نفسه سواء بعيل صغير او نجم كبير.
وتابع: اتحمسنا اننا نكسر أنا وعصام عمر فكرة الخوف من السن من خلال مسلسل مسار إجباري.
وعن أوجه الشبه بين شخصيته في مسلسل مسار إجباري وشخصية سيف في مسلسل جعفر العمدة، أوضح: سيف كان من صغره بيعمل فلوس أكتر بكتير وعنده حتة إنه باشا في نفسه، أما حسين حركته أكتر ودوشته أكتر وفي الشارع ومع الدنيا كلها عادي.
وأتم: كنت مقلق من شخصيتي في مسار إجباي لأنها كان فيها حتة الجدعنة اللي كانت في جعفر العمدة.
مسلسل "مسار إجباري"
يشارك في بطولة مسلسل "مسار إجباري" أحمد داش، صابرين، بسمة، مي الغيطي، نور محمود، عصام عمر، جوري بكر، رشدي الشامي، ومحسن منصور.
