آمال ماهر: فخورة بالتطور الحاصل في السعودية.. وبيني وبين تركي آل الشيخ نجاحات كتير
أعربت الفنانة آمال ماهر عن سعادتها بما تشهده المملكة العربية السعودية من تطور في كافة المجالات، وليس المجال الفني فقط.
وقالت آمال ماهر خلال لقائها مع الإعلامي عمرو أديب في برنامج "الحكاية" المذاع عبر قناة MBC مصر: سعيدة جدا باللي حاصل في المملكة العربية السعودية والتطور ده تطور للوطن العربي كله وحاجة تخلي الواحد فخور ومتشرف بيها التنظيم والشكل والحاجات المفاجأة الي بتظهر على المسرح كلها حاجات تشرف.
وعن طبيعة العلاقة بينها وبين تركي آل الشيخ، أوضحت: كان عندنا علاقة فنية ونجاحات كتير جدا وان شاء الله يبقى عندنا نجاحات تانية ويشرفني اكون في المملكة العربية السعودية وجزء من النجاحات الكبيرة اللي بتحصل في الرياض.
واتجه حديث آمال ماهر عن شائعة اختطافها، حيث قالت: اتخضيت على نفسي كنت فاكرة أنه يومين والموضوع هينتهي لقيته عمال يزيد ونزلت صورة لقيت الناس قالت إن الأكونت مش في ايديها، أنا قليلة الظهور على السوشيال ميديا وكنت مريضة جدا مقدرتش أطلع خوفت اطلع بشكلي في الوقت ده يقولوا هي فعلا مخطوفة وطلعت دقيقتين قالوا مش هي ومش في بيتها ، وقرايبي واصحابي كانوا قلقين عليا ومكنوش مصدقني وانا بكلمهم إني بخير خاصة اني كنت تعبانة فقالوا فعلا هي مخطوفة.
وأضافت: أي إشاعة فيها إثارة ولغط الناس بتتبسط وبتجري وراها وبتبقى أوفر لكن أنا بخير ومحصليش أي حاجة ولا اتعذبت ولا اتخطفت واللي حصل ده من محبة الناس وقلقهم عليا.
أخر أعمال آمال ماهر
يذكر أن آمال ماهر عادت للساحة الفنية من خلال طرحها أغنيات ألبومها الجديد “أنا كويسة” والذي احتوى على 5 أغنيات، وهم : أنا كويسة، صاحبة عمري، كسبتوا الرهان، الحكاية في مشهدين، أغنية أنا الحب.
وتعاونت أمال ماهر في ألبومها “أنا كويسة” مع كلا من الشاعر عمرو يحيى، والشاعر أحمد المالكي والملحن بلال سرور والملحن سامح كريم، والموزع كريم أسامة.
