لأول مرة.. ميرهان حسين تعلق على أنباء ارتباط شيرين عبدالوهاب بخطيبها السابق
علقت الفنانة ميرهان حسين لأول مرة عن أنباء ارتباط المطربة شيرين عبدالوهاب بخطيبها السابق .
وقالت ميرهان حسين خلال لقائها في "فوشيا": معرفش مين حبيب مين؟ ومعرفش مين بيعمل إيه؟ أنا تمام وده نصيب ومفيش حق عايزة أخده خالص، وأؤمن إن الطيبين للطيبات وكل شيء في الدنيا نصيب ومش شرط حاجة أكون عايزاها في وقت معين تكون هي الصح ليّا وعسى أن تكرهوا شيئًا وهو خير لكم.
وتابعت ميرهان كاشقه عن د فعل والدتها بعد انفصالها عن خطيبها، موضحه: ماما اتبسطت قالتلي الحمد لله.. وقالتلي تستاهلي حد أحسن.. كان بقالي سنة مخطوبة وكان الفرح المفروض يبقى في فبراير ومحصلش نصيب.
وأضافت: أنا من النوع اللي مش ضعيفة عمومًا وحياتي الشخصية مش بتأثر على شغلي وبحاول أفصل على قد ما أقدر، بس بكره إني أقع أو اترمي أقعد اعيط.
وواصت: بحتاج إني أقعد شوية لوحدي، وده مش معناه إني بقعد أعيط خالص، ممكن أبقى مش عايزة أسمع كلام ناس أو مش عايزة أسمع كلام حد في حاجة لكن مش بحب أضعف أو أستسلم ومش بحب الانهزام وبؤمن إن ديه الحياة ولقد خلقنا الإنسان في كبد، بس لازم نقوم.
أخر أعمال ميرهان حسين
يذكر أن آخر أعمال ميرهان حسين مسلسل "مشوار الونش"، وهو من بطولة محمد رجب، محمود عبد المغني، ميمي جمال، منة فضالى، ميرهان حسين، إيهاب فهمي، وغيرهم العديد من النجوم، و من إخراج إسماعيل فاروق وتأليف أحمد عبد الفتاح.
