محمد رمضان يكشف عن رسالته للاعبي منتخب مصر قبل بداية مشوارهم في آمم أفريقيا
![محمد رمضان](https://media.elamwal.com/img/24/01/14/240068_1705214235.jpg)
كشف الفنان محمد رمضان عن رسالته التي وجهه للاعبي منتخب مصر قبل انطلاق مشوارهم في بطولة آمم أفريقيا 2023، وذلك خلال مداخلته الهاتفية على قناة DMC.
وقال محمد رمضان: قولتلهم لو في كل لحظة افتكرتوا في الـ فوق 100 مليون مواطن أننا نقدر نسعدهم ده يديهم طاقة فوق طاقتهم، وده أنا قولته وأنا قاعد مع محمد صلاح وكهربا، قولته لما شخص بيجري وقدامه أتوبيس سرعته بتتضاعف، ولو بيجري وراه كلب سرعته بتتضاعف، لو حطينا الاتنين قدامنا أننا عايزين ناخد البطولة وناس مش عايزة ده، ومنشمتش فينا حد أن مش عايزين مصر تعلى.
وأكد محمد رمضان أنه سيحضر مبارة مصر و موزمبيق لمسانده المنتخب، مشيرا إلى أنه متفائل بهذه البطولة وعلى قدره الفراعنة في حصد اللقب الغائب .
وتابع رمضان:أنا حاسس أن السنة دي إن شاء الله البطولة بتاعتنا، وأنا كنت بتكلم أن المدير الفني يفك وجهة النظر دي أن 90% من البطولات اللي أخدناها كانت بمدرب مصري، وإن شاء الله نفك النحس السنة دي ونمشي كابتن أجنبي مبسوط من عندنا.
يذكر أن محمد رمضان أحيا حفل افتتاح بطولة كأس الأمم الافريقية 2023 على ملعب الحسن واتارا في كوت ديفوار برفقة عدد من الفن بأفريقيا، وحضر الحفل أساطير الكرة الإفريقية منهم ديديه دروجبا وأحمد حسن وصامويل إيتو والحاج ضيوف وكريم زياني وكريم حاجي.