منى الشاذلي تكشف عن قصة تعارفها بزوجها: مكنتش بطيقه ولا هو بيطقني
![منى الشاذلي](https://media.elamwal.com/img/24/01/03/239471.jpg)
تحدثت الإعلامية منى الشاذلي لأول مرة عن قصة تعارفها بزوجها منذ سنوات طويلة قبل الزواج.
وقالت منى الشاذلي خلال لقاء لها ببرنامج ab talks مع المحاور أنس بوخش: لما روحت روما عشان اشتغل في قناة art قررت أني مش هقع في الحب، ووقعت في الحب، وكان زوجي وشريكي، اتعرفنا على بعض في إيطاليا وكانت البداية التقليدية لأي قصة حب ممتدة أنه متبقوش طايقين بعض في الأول، لا كنت بطيقه ولا هو كان طايقني.
وأضافت : وبعدين اتكونت مجموعة أصدقاء بيننا والمجموعة دي خلتنا مضطرين يكون فيه خروجات جماعية، ونتكلم، لحد ما لقينا نفسنا مش مضطرين بس عايزين نقابل بعض، والسنادي بتم 25 سنة متزوجة من الشاب اللي حبيته، وأنا وهو متناقضين في كل حاجة، وهو مش رومانسي، هو حنون ورجل عائلة عظيم، لكنه راجل عملي، ومش بنزعل من الاختلاف بينا.
وعن رأيها في الزواج، قالت: الحب حاجة والحياة الزوجية حاجة، ولو اكتافك متتحملش المسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير.
يذكر أن منى الشاذلي تقدم برنامج "معكم منى الشاذلي" عبر قناة ON، وتستضيف من خلاله نجوم ومشاهير من كافة المجالات.