منة عرفة تتصدر التريند بسبب تصريحاتها الأخيرة حول ”المساكنة”
تصدرت الفنانة الشابة منة عرفة مؤشرات البحث خلال الساعات الماضية، بعد تصريحاتها لـ برنامج "free time" تقديم الإعلامية يارا أحمد والإعلامية نسمهار الصغير على شاشة قناة "هي".
ويستعرض لكم موقع "الأموال" أبرز تصريحات منة عرفة خلال لقائها مع برنامج "free time".
وقالت منة عرفة خلال اللقاء: المساكنة ارفضها وحرام دينيًا ولكن مفيدة اجتماعيًا لإن الناس بتقدر تعرف بعض كويس أوي من خلال المساكنة في ناس بتفضل تحب بعض بالسنين ومع أول سنة جواز بيطلقوا بسبب إنهم ماعرفوش طباع بعض.
وتابعت : وأكتر حاجة بتخليكي تعرفي الناس هي السفر لما تسافري مع حد هتقدري تعرفي طباعه واخلاقه في حاجات لازم الشخص يعيش معاكي علشان يعرفه وأنا بفضل إن فترة الخطوبة تطول ونقعد مع بعض طول اليوم في البيت ونحقق المساكنة بطريقة شرعية.
وكشفت منة عن حبها لمقالب الفنان رامز جلال في شهر رمضان، قائلة: "بحب رامز جلال اوي وبحب أطلع معاه في المقالب ومكنتش أعرف بالمقلب وبعدها ضربته جامد ولكن صالحني وضحك عليا وخلاص عادي".
و اتجه حديثها عن الفنانة الشابة مايان السيد، معبره عن حبها لها : "أنا بحب مايان السيد أوي وهي شاطرة وموهوبة وعنيدة ومثابرة وبقينا أصحاب بعد مشاركتنا سويا في حكاية (حلم حياتي) من مسلسل (إلا أنا)".
وعن مقارنتها بها، أوضحت: "مبشغلش بالي بالمقارنة بيني وبينها لأن كل واحد دوره بيكون متفصل عليه وكلنا بنساعد وبنكمل بعض في العمل".
وأضافت: "أنا مكنتش أعرف مايان قبل مسلسل الا أنا وأنا إبتديت أشتغل معاها كان نفس الحب اللي مابين شخصيات المسلسل مروة وخديجة كان حاصل بيني وبين مايان ولو مكنش حقيقي موجود مش هيظهر للناس على الشاشة".
أخر أعمال منة عرفة
يذكر أن أخر أعمال منة عرفة مسلسل "ليل أم البنات" والذي عرض في رمضان 2023، وهو من بطولة سهير رمزي، ناصر سيف، فريال يوسف، محمد عبد الجواد، حنان سليمان، حنان يوسف، ياسر علي ماهر، أيمن عزب، سميرة صدقي، مادلين طبر، فاطمة الكاشف، هاجر الشرنوبي، ديانا هشام، هايدي رفعت، سيلين عبد العزيز، محمد مهران، محمد احمد ماهر، احمد جمال سعيد، حسن عيد، رانيا الخواجة، صوفيا، إكرامي هجرس، ياسمين جمال، محمد طارق، ولاء سلام، مستشار اعلامي محمد بدر، مدير تصوير رامي عادل، إنتاج رمسيس للإنتاج الفني – للمنتج محروس المصري، تأليف أحمد صبحي، ومن إخراج عبد العزيز حشاد.
