”لو بطلت شغلي هتحبس”.... هكذا ردت أيتن عامر على منتقدي ترويجها لأحدث أفلامها
![ايتن عامر](https://media.elamwal.com/img/23/11/22/236859.jpg)
ردت الفنانة أيتن عامر على الهجوم الذي طالها وتعرضت له من قبل رواد مواقع التواصل الإجتماعي بعد ترويجها لفيلمها الجديد بولومندو والذي يعرض في السينمات بالوقت الحالي.
وقالت أيتن عامر في فيديو عبر حسابه الرسمي بموقع تبادل الصور والفيديوهات انستجرام: مش معنى أننا بنعمل دعاية لشغلنا أننا كدة ناسين القضية الأساسية اللي كلنا بنتكلم عنها، وانا بقالي شهر ونص بتكلم وعن الكوارث اللي بتحصل هناك والاكونت بتاعي كان هيتقفل بسبب الحاجات اللي بنشيرها طول الوقت.
وأضافت: زي ماحنا مؤمنين بالقضية بيصعب عليا أوي لما أشوف حد مننا بيعلن عن شعله والناس بتهاجمه وتقوله انت مش حاسس بالناس وانت معندكش دم والكلام ده كلنا متأثرين بس ردود أفعالكم غريبة شوية ده شغلنا ودي طبيعته والاعلان عن شغلنا جزء من عقودنا فليه تهاجمونا أننا بنعلن عن شغلنا وبنمارسه.
وواصلت: انا مش شايفة أن ده سبب منطقي ابدا احنا ممكن تهاجم حد مبيدعمش القضية خالص ومبيتكلمش عنها.. مينفعش أقول لحد ما تروحش شغلك ومتعلمش وجباتك ومتلتزمش بعقودك بس أقدر اقوله انت ليه متلكمش واعتقد الكلام عن القضية دي حرية شخصية اللي عايز يتكلم يتكلم واللي مش عايز ميتكملش ومش معنى أننا بنعلن عن شغلنا أننا بنشغل الرأي العام عنها.
واختتمت حديثها: "ياريت بلاش مزايدات كلنا شايفين اللي بيحصل، ومينفعش أن أهاجم فنان عشان بينزل شغله عشان كدا عيب، لا العيب أني مكملش عقودي وملتزمش ومنزلش شغلي، وأفرح بنجاحي، وأزعل عشان القضية، طبعًا أنا بشتغل عشان عندي الالتزامات والدنيا هتقف لو بطلت شغلي؟، آه هتقف لأن الناس هترفع عليا قواضي وهتحبس ومش هعرف أوفي التزماتي، فالناس اللي بتقولي بطلي شغلك واقعدي في البيت مش هينفعوني، أنا بدافع عن نفسي وعن زملائي من الهجوم الغريب اللي بيحصل ده، أنا دلوقتي أم ومستنية ولادي يخلصوا تمرين بعد شوية، وعندي لوكيشن بعد ساعتين، وهكون بحتفل بعيد ميلادي، وأصحابي اللي هيجولي مش هقولهم متجوش تحتفلوا بيا هقول كل سنة وأنا طيبة وهقول يارب العالم يفوق بقا".