إيمي سمير غانم : مش عارفة أشتغل بسبب ابني.. وحسن شايف إني عجوزة
تحدثت الفنانة إيمي سمير غانم عن التغير الذي حدث لشخصيتها بعد إنجابها طفلها الأول، وذلك خلال حوارها مع الإعلامية شيرين عرفة ببرنامج "كلام نواعم" المذاع عبر قناة MBC.
وقالت إيمي: "أنا أصلا شخصيتي شخصية أم وكنت مهيأة نفسي، قبل الولادة كنت مدمنة مساعدة أي ممثل كبير في التصوير معانا زي بابا، أو أي حد سنه كبير في الشارع، دلوقتي بقيت أوفر في الاهتمام بالأطفال وأنا أصلا مش بفهم في الأطفال".
وتابعت:" حاليا مش عارفة أشتغل علشان ابني موجود معايا في كل مكان ومش عارفة أسيبه".
وعن تغير زوجها حسن الرداد بعد ولادتها، أوضحت: "حسن بيتوتي بطبعه، وبعد الأحداث اللي مرينا بيها في عيلته وعيلتي بقى على طول عايز يشوف ابنه، ولو شغال عايز يرجع بسرعة علشان يشوفه ومش بيعبرني".
وفي الحلقة ذاتها، كشفت عن عدد من صفاتها الشخصية، قائلة:حاولت أكون هادئة وراكزة بس معرفتش.. بس أنا في البيت بني آدمة تانية وببقى هادية ومش بخرج خالص، أنا جوزي غيري تماما، يعني بيبقى شايف أني عجوزة وأنا صغيرة.
واتجه الحديث عن مقارنتها بوالديها سمير غانم ودلال عبد العزيز، فقالت: عمري أنا ودنيا ما هنعمل ربع سمير غانم ودلال عبد العزيز، ومينفعش الناس تقارنا بيهم، مش صح، وحب الناس ليهم بيفيدنا.
أخر أعمال إيمي سمير غانم
يذكر أن أخر أعمال إيمي سمير غانم الفنية، مسلسل "سوبر ميرو"، الذي عرض خلال موسم دراما رمضان 2019، وشاركها البطولة حمدي المرغني، بيومي فؤاد، محمد ثروت، ملك قورة، محمد محمود، أحمد سلطان، بالاشتراك مع النجم الكبير سمير غانم و هو من تأليف محمد محمدي وأحمد محيي، إخراج وليد الحلفاوي.
