” اشفقت عليها ”.. صلاح عبد الله يكشف سبب رفضه دخول ابنته مجال التمثيل
كشف الفنان صلاح عبد الله عن سبب رفضه دخول ابنته الإعلامية دنيا صلاح عبد الله، مجال التمثيل.
وقال صلاح عبد الله خلال لقاء له ببرنامج صاحبة السعادة مع الإعلامية إسعاد يونس: فيه ناس بيزعلوا مني عشان بيفهموني غلط، أنا بحب الوسط وبحب زميلاتي جدًا، وكان سبب أني حاولت أقاوم حبها للتمثيل عشان صعوبة المهنة بتاعتنا.
وتابع: أنا شايف زميلاتي بيتعبوا اد ايه، واحنا شغلنا ساعات يبقى 14 ساعة و20 ساعة، واوردرات ليل، وأنا كأب اشفقت عليها من هذا التعب، إنما مش اعتراضا على الشغلانة خالص.
وفي الحلقة ذاتها، تحدث صلاح عبد الله عن دخوله السوشيال ميديا، قائلا: بعد الثورة عمرو يوسف عملي فيسبوك، كنا في إسكندرية بنصور حاجة كدا وعملولي فيسبوك هو وأمير شوقي، وقعدوا يدربوني عليه بس مدخلتش أوي.
وأضاف: وبعد الأزمة الصحية اللي حصلتلي في 2010 حسيت أني عايز أشارك واتكلم عن بلدي، دي كانت البداية، ثم جه تويتر، مكنتش فاهم فيه حاجة، ونبيل الحلفاوي جه يسخني عليه، وإنستجرام بناتي هما اللي شجعوني عليه.
واستكمل: والتواصل دا ساعات بتبقى فيه حاجات بتضايق إنما كمان فيه حاجات تفرح وعرفت فيه ناس مبدعة في كل المجالات.. السوشيال ميديا ممكن تحبط ناس، وأي حد بيناقشني بأدب واحترام فوق دماغي، ومادام تطاول أعرف أن دا عايز يكرهني في السوشيال ميديا، وهي عايزة وعي.
أخر أعمال صلاح عبد الله
يذكر أن أخر أعمال صلاح عبد الله، مسلسل "ليه لأ 3" و الذي عرض عبر منصة "شاهد vip"وهو بطولة نيللي كريم، أمير صلاح، أحمد طارق، معتز هشام، نادين، حنين سعيد، عايدة رياض، كمال أدهم، فريدة رجب، حمزة سمير، إنجي علي، والمسلسل من تأليف ورشة سرد للكاتبة مريم نعوم، وتحت قيادة المخرجة مريم أبو عوف.
