عبير صلاح الدين توجه رسالة لـ فادي خفاجة بعد انهياره بسبب قلة العمل
وجهت الفنانة عبير صلاح رسالة للفنان فادي خفاجة بعد انهياره في بث مباشر على موقع الفيديوهات الشهير تيك توك بسبب قلة عمله في مجال الفن.
وكتبت عبير صلاح الدين عبر حسابها الشخصي بـ موقع التواصل الاجتماعي "فيسبوك": أنا مقدرة شعورك وإحساسك بالظلم، بس معلش ربنا كبير ومتعرفش الخير فين مش يمكن يفتحلك باب رزق أخر غير التمثيل.
وأضافت : أنا بطلب من الناس اللي بتدخل تهاجم الفنانين فيه ممثلين محترمين والله، وقاعدين فى بيتهم من غير شغل ومنهارين نفسيا ف بلاش القسوة عليهم دول مش ناقصين ربنا يعينهم ارحموهم شوية بقى ومش ح تبقوا انتوا والزمن عليهم.. ربنا يعينك ياشرف الدين ياابن ونيس.. وكل ممثلين ونيس.
وكان فادي خفاجة قال في البث المباشر: "اضطريت أدخل في جولات تيك توك لإني مش لاقي شغل والفنانة وفاء عامر حاولت كتير تجبني معاها في أعمال فنية لكن مفيش فادية قاعد في البيت من غير شغل".
وتابع: " محدش يهاجم وفاء عامر أو غيرها لأننا بنطلع على تيك توك محدش عارف ظروفنا وأي حد هيتريق هيعرف شغله.. دا مش مكاني أنا اتخرجت من معهد فنون مسرحية بتقدير جيد جدا.. المفروض أن أقل حقوقي أشتغل بقا كفاية".
أخر أعمال فادي خفاجة
يذكر أن أخر أعمال فادي خفاجة مسلسل "سوق الكانتو" الذي عرض رمضان الماضي، وهو بطولة عدد كبير من النجوم أبرزهم: أمير كرارة، مي عز الدين، وفتحي عبد الوهاب، وشريف إدريس، ومها نصار، وعبد العزيز مخيون، تامر نبيل، ثراء جبيل، سلوى عثمان، ضياء عبد الخالق، احمد التهامي، وغيرهم من النجوم.
