مقموص مني .. مصطفى قمر يكشف السبب الحقيقي وراء هجوم طارق الشناوي عليه
كشف الفنان مصطفى قمر السبب الحقيقي وراء هجوم الناقد الفني طارق الشناوي عليه.
وقال مصطفى قمر خلال لقائه مع برنامج ET بالعربي: بيقول إن الفيلم لا يمت للسينما.. يا نهار أسود طب والأستاذ علي إدريس المخرج ده يبعمل ايه.. بيبيع كفته؟
وأضاف: هو ينقد براحته إنما يقول مصطفى قمر فاشل مينفعش بعد 35 سنة نجاح وأغاني و22 ألبوم و12 فيلم وحفلات جوه مصر وبره مصر، ازاي تسمح لنفسك تقول الكلام ده.
وتابع: هل أنا عجوز يعني؟ أنا أصغر واحد في جيلي، وبعدين بيقول عليا قديم، أنا اللي قديم طب نحط صورنا جنب بعض مين هيبقى قديم فينا، وهو يقدر يقول كل حاجة هو عايزها بس بصراحة حاجة تضحك.
وواصل: باين أنه مستقصد العمل وهل هو شاف الفيلم ولا ماشفش الفيلم؟، هو ماشفش الفيلم، وبينقد وهو ماشفش الفيلم، غريبة أوي أول مرة أشوفها في حياتي.
وأتم حديثه: من أيام فيلم الحب الأول وهو بينتقدني واتقابلنا في موقف ما وشكله اتقمص مني، ومن وقتها وهو طول الوقت يتكلم عن مصطفى قمر، ومينفعش هو يتكلم على مصطفى قمر كمطرب وهو مش مطرب، أنا دارس مزيكا وبلحن.
وكان طارق الشناوي هاجم فيلم "أولاد حريم كريم"، قائلا خلال لقائه بـ برنامج et بالعربي: من أسوأ الأفلام، والأعمال الفنية والفيلم اتعمل بطريقه فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي.. ومصطفى قمر مشكلته إنه عايش على الزمن القديم.
أبطال فيلم "اولاد حريم كريم"
يذكر أن فيلم "اولاد حريم كريم" يعرض بالسينمات حاليًا بعد مرور 18 عاما على عرض الجزء الأول من الفيلم الذي تم طرحه عام 2005، ويشارك في بطولته مصطفى قمر، داليا البحيري، بسمة، علا غانم، خالد سرحان، عمرو عبد الجليل و بشري ، بالإضافة إلي مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم ، وتأليف زينب عزيز واخراج علي إدريس، ومن إنتاج شركة انتلجنت (iproductions) وتوزيع خارجي روتانا.
