مصطفى قمر يشن هجوم على طارق الشناوي بعد انتفاده فيلم ”أولاد حريم كريم”
شن الفنان مصطفى قمر، هجوم حاد على الناقد الفني طارق الشناوي بعد هجومه و انتقاده لـ فيلمه الجديد أولاد حريم كريم.
وكتب مصطفى قمر عبر حسابها الرسمي بموقع تبادل الصور والفيديوهات انستجرام: "هو أنا مش طلبت منك تبعد عني أصلًا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم".
وتابع: "وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني (فكرني كدة شغلتك ايه….؟…. هي من اربع حروف بيتهيألي".
وكان الناقد الفني طارق الشناوي عبر عن رأيه في قيلم "أولاد حريم كريم"، قائلا خلال لقائه بـ برنامج et بالعربي: من أسوأ الأفلام، والأعمال الفنية والفيلم اتعمل بطريقه فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي.. ومصطفى قمر مشكلته إنه عايش على الزمن القديم.
أبطال فيلم "اولاد حريم كريم"
يذكر أن فيلم "اولاد حريم كريم" يعرض بالسينمات حاليًا بعد مرور 18 عاما على عرض الجزء الأول من الفيلم الذي تم طرحه عام 2005، ويشارك في بطولته مصطفى قمر، داليا البحيري، بسمة، علا غانم، خالد سرحان، عمرو عبد الجليل و بشري ، بالإضافة إلي مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم ، وتأليف زينب عزيز واخراج علي إدريس، ومن إنتاج شركة انتلجنت (iproductions) وتوزيع خارجي روتانا.
