فيديو.. بدرية طلبة تسخر من قائمة الطلبات المدرسية: بيقولك سبلايز كان زمان أخرنا قلم رصاص وبراية
سخرت الفنانة بدرية طلبة، من قائمة الطلبات التي تطلبها معظم المدارس حاليًا.
وقالت بدرية طلبة في فيديو نشرته عبر حسابها الرسمي بموقع انستجرام: إيه موضوع السبلايز اللي طالعين بيه اليومين دول ده، إحنا كان آخرنا قلم رصاص وبراية وجومة، وأمي كات بتشاركني في البراية بتاعتي بتبري بيها قلم الحواجب والكحل بتاعها.
وتابعت بدرية: لما جم يكبرونا قالوا يزودولنا قلم جاف وقلم حبر، وبعدين خلوا الجومة بريحة فبدل ما نمسح بيها بقينا بناكلها ونمسح بالجومة بتاعة القلم الرصاص، بعدين زودولنا في ثانوي برجل ومنقلة، دلوقتي بيقولوا ده لطفل قد كدة لسة مطلعش من البيضة، ويقولك سبلايز وأم الطفل ياعيني بتوصله المدرسة كأنها شايلة عزاله ورايحاله بيت العروسة توصله.
أخر أعمال بدرية طلبة
يذكر أن أخر أعمال بدرية طلبة الفنية هو مشاركتها في مسلسل "أسيل" الذي تم عرضه 2023، وهو من بطولة الفنانة ثراء جبيل، وكل من: باسل الزارو، ملك بدوي، إلهام عبد البديع، وغيرهم، والعمل من إخراج معتز حسام.
