تامر حسنى يوجه رسالة تحفيزية لمتابعيه لتحقيق أحلامهم: إملى روحك بالطموح مش بالاحقاد و الغيرة
![تامر حسني](https://media.elamwal.com/img/23/08/07/230295.jpg)
وجه الفنان تامر حسني، رسالة تشجيعية إلى متابعيه، من خلال حسابه الشخصى على موقع الصور والفيديوهات "إنستجرام"، ناصحا إياهم بضرورة التحلي بالإرادة لتحقيق أحلامهم.
ونشر تامر حسني فيديو لشاب من ذوي الاحتياجات الخاصة في مسابقة لـ رفع الأثقال رغم صعوبة الأمر عليه، وعلق عليه كاتبًا: اللي عنده إراده زي دي رغم ظروفه الصعبه هيقدر يرفع حلمه لفوق زي ما الشاب العظيم ده صمم و رفع الاثقال و مش اتحدى الوزن بس لا اتحدى الوزن و التوازن يعني انت ممكن تتخيل ان في حلم صعب عليك بس لو اجتهدت هتحققه و نص بس على شرط إملى روحك بالطموح مش بالاحقاد و الغيرة.
وتابع : ربنا بيوفق كل مجتهد حتى لو سعى غلط او سعى و منجحش مره و ١٠ هيكرمه في النهايه عشان ربنا بيكرم على المجهود.
وأضاف: اوعى تتخيل ان وقتك ضاع طول ما نيتك من البدايه خير (( اعرف ان الطريق هيتفتحلك مادام ربنا الهمك تمشيه )) حتى لو قابلتك صعاب و احباطات و لو قفلت اكتر !! .
واختتم تامر حسني رسالته: راجع نيتك و نفسيتك بس متضحكش على نفسك و اول ما هتوصل للسلام النفسي و تواجه نفسك بغلطك او بنيتك اللي مكانتش سليمه هتفك عقد كتير و هتعرف ان الحل في ايدك و النجاح هيجيلك اسرع ان شاء الله.
أخر أعمال تامر حسني
يذكر أن أخر أعمال تامر حسني فيلم " تاج" وشاركه البطولة ساندي، دينا الشربيني، هدى المفتي، حمدي الميرغني ومدحت تيخة، وبيومي فؤاد بالإضافة إى مجموعة كبيرة من النجوم، والفيلم من تأليف تامر حسني وأخراج سارة وفيق.