فيفي عبده تتعرض لأزمة صحية جديدة.. وتكشف تفاصيل حالتها
![فيفي عبده](https://media.elamwal.com/img/23/07/10/228467.jpg)
كشفت الفنانة فيفي عبده عن أزمة صحية تعرضت لها خلال الساعات الماضية، وذلك من مقطع فيديو نشرته عبر حسابها في موقع التواصل الاجتماعي إنستجرام
وقالت فيفي عبده في الفيديو: "مساء الفل والياسمين والهنا من مصر أم الدنيا، عايزة أقول لكم كل خروجة بمشكلة بالنسبالي".
وتابعت : "حصل عندي هبوط وبيحللوا لي وحبيت أسجل لكم اللحظة دي، وأنا كل يوم بتألم من المشاكل دي".
واستكملت: "إدعولي ربنا يؤذي المؤذي وربنا ينتقم من أي حد بيفكر يضايقني أو يعمل حاجة تعرقل حياتي، حسبي الله ونعم الوكيل في اللي يضرني، عليك خلاص الحق يا رب".
فيفي عبده تخضع لعملية جراحية في العمود الفقري
وكانت فيفي عبده، خضعت لعملية جراحية في العمود الفقري، حيث قالت خلال برنامج ET بالعربي: "فجأة لقيت الغضروف قفل على العصب، وابتدت رجلي تتقل ومش قادرة أمشي، ربنا يتم شفائي لإن الصحة تاج، ومال الدنيا من غير صحة ولا حاجة".
وأضافت: دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري، ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم.
وواصلت: وأنا داخلة أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة.
واختتمت: أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام.