بسمة وهبة عن بكائها في حلقة محمد فؤاد: غنى عشان ينكد عليا ويكسرني
![بسمة وهبة](https://media.elamwal.com/img/23/05/14/225012.jpg)
روت الإعلامية بسمة وهبة عن تفاصيل حلقة برنامجها "العرافة" مع محمد فؤاد، في رمضان 2023، التي انهارت فيها من البكاء د بسبب أغنيته "طمني عليك".
وقالت بسمة وهبة خلال لقائها في برنامج إي تي بالعربي: اللي عمله محمد فؤاد في حلقة العرافة كانت حركة ندالة جدًا منه وكل اللي شغالين في البرنامج لأنهم عارفين أنا نقطة ضعفي ولادي.
وتابعت وهبة: من ساعة ما انفصلت عن والدهم وهما صغيرين وعاشوا معاه في بلد تاني وأنا في بلد وأنا مُت من يومها من غير ما اتدفن وده كان قهر بالنسبالي وعذاب.
وأضافت: محمد فؤاد غناها عشان ينكد عليا ويكسرني قبل الحلقة وقالي انتي جاهزة وأنا استغربت، وفي كمية غدر كبيرة في البرنامج ده.
ويذكر أن حلقة بسمة وهبة مع محمد فؤاد تصدرت التريند بعد تفاعلها مع أغنيته "طمني عليك"، لتكتب عبر حسابها الرسمي بموقع التواصل الإجتماعي “فيسبوك”: “ولادي مش عايشين معايا من صغرهم وكل واحد في بلد .. زمان لما كنت بسمعها مكنتش بضعف كده لكن دلوقت أنا كبرت في السن وبقت مشاعري متستحملش حاجة .. بتأسف لـ أولادي أنهم شافوا دموعي بس الأغنية صعبة للي مفتقد بني أدم .. زعلانه منك ومش مسامحاك يا محمد يا فؤاد”.