كهربا عن سر تألقه: اللي معاه ربنا يمشي على المية
تحدث محمود عبد المنعم "كهربا" لاعب فريق النادي الأهلي، عن شعورة بعد الفوز على بيراميدز في كأس السوبر المصري، خاصه بعد مساهمته في هذا الانتصار.
وقال "كهربا" في تصريحات عبر شاشة "أون تايم سبورتس 2" : أنا كنت بمر بفترة صعبة، بس أهم حاجة البطولات بتعوض عن كل حاجة، وأنا زعلان جدًا من اللي بيحصل في الأجواء المصرية، مليش ذنب في أي حاجة وبيتحط اسمي في كل حاجة، وده بيخليني تصعب عليا نفسي.
وتابع: حاسس بكل اللي بيحصل، ودايمًا بدعي ربنا إني أكون في أحسن حال، أنا الماتش اللي فات كنت حاسس إنه هيوصل إكسترا تايم، وفي أول الماتش كنت بهزر وبضحك وبغير الضغط اللي عليا، و قلت لكابتن سامي إني هنزل الشوط الثاني وهعمل حاجة للفريق، والحمد لله حصل في الوقت الإضافي وحصلت على ضربة جزاء.
وعن أسباب تألقه في الفترة الأخيرة، قال: للي معاه ربنا يمشي على المية ويمشي على السما، واللي معاه أبوه وأمه يقفل الدنيا كلها.
وبسؤاله عن دفع غرامة الزمالك، رد مازحًا: استنى أشوف في جيبي فلوس ولا لأ، معيش غير 2 جنيه وخمسة جنيه هفطر بيهم الصبح فول وطعمية، وشدد على عدم رغبته في الحديث عن أزمة غرامة الزمالك وكيفية سدادها.
